ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ພະຈິກນີ້ ທ່ານເວີ້ຍເຟິ້ງເຫີ, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງປ້ອງກັນປະເທດຈີນໄດ້ໂທລະສັບຫາທ່ານເອສເບີ ລັດຖະມົນຕີກະຊວງປ້ອງກັນປະເທດອາເມຣິກາຕາມນັດ.
ທ່ານເວີ້ຍເຟີ້ງເຫີກ່າວວ່າ, ການຊຸກຍູ້ການພົວພັນຈີນ-ອາເມຣິກາທີ່ຖືເອົາການປະສານງານ ການຮ່ວມມືແລະມີຄວາມໝັ້ນຄົງເປັນພື້ນຖານນັ້ນຄວນເປັນຫຼັກການທີ່ຕ້ອງປະຕິບັດໄປໃນການພັດທະນາສາຍພົວພັນສອງລັດແລະສອງກອງທັບ. ການຮ່ວມມືກັນແລະໄດ້ຮັບຜົນປະໂຫຍດຮ່ວມກັນແມ່ນທາງເລືອກທີ່ຖືກຕ້ອງພຽງໜຶ່ງດຽວໃນການໄປມາຫາສູ່ກັນລະຫວ່າງຈີນ-ອາເມຣິກາ. ສອງກອງທັບຄວນປະຕິບັດຕາມຄວາມເຫັນທີ່ເປັນເອກະພາບກັນຂອງປະມຸກລັດສອງປະເທດ, ສືບຕໍ່ຊຸກຍູ້ສາຍພົວພັນລະຫວ່າງສອງກອງທັບກາຍເປັນ ປັດໃຈທີ່ໃຫ້ການພົວພັນສອງປະເທດມີຄວາມໝັ້ນຄົງ.
ທ່ານເວີ້ຍເຟີ້ງເຫີຍັງໄດ້ບັນຍາຍຫຼັກໝັ້ນຂອງຈີນໃນບັນຫາຕ່າງໆເຊັ່ນ: ບັນຫາໄຕ້ຫວັນ, ທະເລຈີນໃຕ້, ບັນຫາຮົງກົງແລະເຂດຊິນຈ່ຽງ.
ທ່ານເອສເບີ ຫວັງໃຫ້ສອງຝ່າຍເພີ່ມທະວີການແລກປ່ຽນດ້ານຍຸດທະສາດ, ຮ່ວມກັນຊຸກຍູ້ສາຍພົວພັນລະຫວ່າງສອງກອງທັບໃຫ້ຂະຫຍາຍຕົວໄປໜ້າ.
ຄຳເຫັນ
0