徐毅然

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ບົດ​ລາຍ​ງານ​ຂອງ​ສປ​ຊ​ຊີ້​ໃຫ້​ເຫັນ​ວ່າ ການ​ຂຶ້ນ​ພາ​ສີ​ຂອງ​ອາ​ເມ​ລິ​ກາ​ຕໍ່​ສິນ​ຄ້າ​ຈີນ ອາ​ເມ​ຣິ​ກາ​ແບບ​ຫາບ​ພາ​ລະ​ເອງ

2019-11-06 15:12:49 cri

ຕາມ​ຂ່າວCRI:ວັນ​ທີ 5 ພະ​ຈິກ​ນີ້, ​ປະ​ຊຸມ​ການ​ຄ້າ​ແລະ​ພັດ​ທະ​ນາ​ຂອງ​ອົງ​ການ​ສະ​ຫະ​ປະ​ຊາ​ຊາດ​ໄດ້​ເຜີຍ​ແຜ່​ບົດ​ລາຍ​ງານ​ການ​ຄົ້ນ​ຄວ້າ​

ກ່ຽວ​ກັບ​ຄວາມ​ຂັດ​ແຍ້ງກັນ​ດ້ານ​ການ​ຄ້າ​ລະ​ຫວ່າງ​ຈີນ-ອາ​ເມ​​ຣິ​ກາ. ​ໂດຍ​ສະ​ແດງ​ໃຫ້​ເຫັນ​ວ່າ, ນັບ​ແຕ່​ອາ​ເມ​ລິ​ກາ​​ຂຶ້ນພາ​ສີ​ຕໍ່​ຜະ​ລິດ​ຕະ​ພັນ​ສົ່ງ​ອອກ​ຂອງ​ຈີນ​ແຕ່​ປີ 2018 ເປັນ​ຕົ້ນ​ມາ, ມາ​ຮອດ​ໄຕ​ມາດ​ທີ 1 ຂອງ​ປີ 2019, ການ​ຂຶ້ນ​ພາ​ສີ​ລ້ວນ​ແຕ່​ເປັນ​ພາ​ລະ​ແບກ​ຫາບ​ຂອງ​ຜູ້​ບໍ​ລິ​ໂພ​ແລະ​ວິ​ສາ​ຫະ​ກິດ​ນຳ​ເຂົ້າ​ຂອງ​ອາ​ເມ​ລິ​ກາເອງ. ການ​ທີ່ລັດ​ຖະ​ບານ​ອາ​ເມ​ລິ​ກາ​ຫວັງ​ວ່າ​ດ້ວຍ​ການ​ຂຶ້ນ​ພາ​ສີ​ຈະ​ສາ​ມາດ​ດຶງ​ເອົາຂະ​ແໜງ​ການ​ຜະ​ລິດ​ຂອງ​ອາ​ເມ​ຣິ​ກາກັບ​ຄືນ​ສູ່​ປະ​ເທດ​ຕົນ​ແມ່ນ​ບໍ່​ປະ​ສົບ​ຜົນ​ສຳ​ເລັດ.

 

ທ່ານ​ອາ​ເລັ​ສ​ຊານ​ໂດຼ ນີ​ຊີ​ຕາ, ນັກ​ເສດ​ຖະ​ສາດ​ຂອງ​ອົງ​ການ​ການປະ​ຊຸມ​ການ​ພັດ​ທະ​ນາ​ແລະ​ການ​ຄ້າ​ຂອງ​ອົງ​ການ​ສະ​ຫະ​ປະ​ຊາ​ຊາດ​ເຊິ່ງ​ເປັນ​ຜູ້​ຂຽນ​ຂອງ​ບົດ​ລາຍ​ງານ​ດັ່ງ​ກ່າວ​ກ່າວ​ວ່າ, ໂດຍ​ອີງ​ຕາມ​ຕົວ​ເລກ​ທີ່​ກ່ຽວ​ຂ້ອງ, ນັບ​ມາ​ຮອດ​ໄຕ​ມາດ​ທີ 1 ຂອງ​ປີ 2019, ສິນ​ຄ້າ​ຂອງ​ຈີນ​ທີ່​ສົ່ງ​ອອກ​ສູ່​ອາ​ເມ​ລິ​ກາ​ບໍ່​ໄດ້​ຫຼຸດ​ລາ​ຄາ.

 

ທ່ານ​ອາ​ເລັ​ສ​ຊານ​ໂດຼ ນີ​ຊີ​ຕາ​ຊີ້​ອອກວ່າ, ລັດ​ຖະ​ບານ​ອາ​ເມ​ຣິກາ​ຫວັງ​ວ່າ​ດ້ວຍ​ມາດ​ຕະ​ການ​ດ້ານ​ພາ​ສີ, ​ຈະສາ​ມາດ​ເຮັດ​ໃຫ້​ຂະ​ແໜງ​ການ​ການ​ຜະ​ລິດ​ກັບ​ຄືນ​ສູ່​ອາ​ເມ​ຣິ​ກາ, ສ້າງ​ໂອ​ກາດ​ການ​ມີ​ວຽກ​ເຮັດ​ງານ​ທຳ​ຫຼາຍກວ່າ​ເກົ່າ​​ໃນ​ປະ​ເທດ​ຕົນ​, ​ແຕ່​ນະ​ໂຍ​ບາຍ​ດັ່ງ​ກ່າວບໍ່​ໄດ້​ປະ​ສົບ​ຜົນ​ສຳ​ເລັດ. ໃນ 6 ເດືອນ​ຕົ້ນ​ປີ 2019 , ຍ້ອນ​ໄດ້​ຮັບ​ຜົນ​ກະ​ທົບ​ຈາກ​ການ​ຂຶ້ນພາ​ສີ​ຂອງ​ອາ​ເມ​ຣິ​ກາ, ມູນ​ຄ່າ​ການ​ສົ່ງ​ອອກ​​ສິນ​ຄ້າ​ຂອງ​ຈີນ​ສູ່​ອາ​ເມ​ລິ​ກາໄດ້​ຫຼຸດ​ລົງ​ປະ​ມານ  3 ຕື້ 5 ຮ້ອຍ​ລ້ານ​ໂດ​ລາ, ສິນ​ຄ້າ​ເຫຼົ່າ​ນີ້​ບໍ່​ສາ​ມາດ​ທົດ​ແທນ​ດ້ວຍການ​ຜະ​ລິດ​​ພາຍ​ໃນ​ອາ​ເມ​ລິ​ກາ, ໃນ​ນັ້ນ​​ສິນ​ຄ້າ​ທີ່ຫຼາຍກວ່າ 60%, ​ທີ່​ມີ​ມູນ​ຄ່າ 2 ຕື້ 1 ຮ້ອຍ​ລ້ານ​ໂດ​ລາ​​ຖືກ​ນຳ​ເຂົ້າ​ຈາກ​ເຂດໄຕ​ຫວັນ​ຂອງ​ຈີນ, ແມັກ​ຊິກ, ສະ​ຫະ​ພາບ​ເອີ​ຣົບ​ແລະ​​ບ່ອນອື່ນໆ.

 

ທ່ານ​ອາ​ເລັ​ສ​ຊານ​ໂດຼ ນີ​ຊີ​ຕາ​ກ່າວ​ວ່າ, ຄວາມ​ຂັດ​ແຍ້ງ​ດ້ານກ​ານ​ຄ້າ​ລະ​ຫວ່າງ​ຈີນ-ອາ​ເມ​ລິ​ກາ​ໄດ້​ສ້າງ​ຄວາມ​ເສຍ​ຫາຍ​ດ້ານ​ເສດ​ຖະ​ກິດ​​ໃຫ້ສອງ​ຝ່າຍ, ບໍ່​ມີ​ຝ່າຍ​ໃດ​​ຈະໄດ້​ຮັບ​ຜົນ​ປະ​ໂຫຍດ.

ຄຳ​ເຫັນ

0