ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ພະຈິກນີ້, ທ່ານສີຈິ້ນຜິງຈັດພິທີຕ້ອນຮັບທ່ານມາຄຣົງ ປະທານາທິບໍດີຝຣັ່ງຢູ່ນອກຫໍສະພາປະຊາຊົນແຫ່ງຊາດຈີນ ກ່ອນການພົບປະ
ວັນທີ 6 ພະຈິກນີ້, ທ່ານສີຈິ້ງຜິງ ປະທານປະເທດຈີນໄດ້ຈັດການພົບປະກັບທ່ານມາຄຣົງ ປະທານາທິບໍດີຝຣັ່ງຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ.
ທ່ານສີຈິ້ງຜິງກ່າວເນັ້ນວ່າ, ປັດຈຸບັນ, ການພົວພັນຈີນ-ຝຣັ່ງໄດ້ປະກົດມີທ່ວງທ່າພັດທະນາອັນແຂງແຮງ. ຂ້າພະເຈົ້າດຳເນີນການຢ້ຽມຢາມຝຣັ່ງທາງລັດຖະກິດດ້ວຍຜົນສຳເລັດເມື່ອເດືອນມີນາເປັນຕົ້ນມາ, ຄວາມເຫັນທີ່ເປັນເອກະພາບກັນຂອງພວກເຮົາພວມໄດ້ຮັບການຈັດຕັ້ງປະຕິບັດຢ່າງຕັ້ງໜ້າ. ຈີນຍິນດີຮ່ວມກັບຝຣັ່ງສຸມໃສ່ເປົ້າໝາຍໃຫຍ່ 6 ດ້ານ ເພື່ອລົງເລິກຊຸກຍູ້ການແລກປ່ຽນແລະການຮ່ວມມືພັດທະນາຢ່າງຮອບດ້ານ ແລະໄດ້ຮັບໝາກຜົນຕົວຈິງຫຼາຍກວ່າເກົ່າ. ໜຶ່ງ, ຕ້ອງປົກປັກຮັກສາແລະເພີ່ມທະວີຄວາມໄວ້ເນື້ອເຊື່ອໃຈກັນທາງການເມືອງ. ສອງ, ຕ້ອງສືບຕໍ່ຊຸກຍູ້ການຮ່ວມມືໃນໂຄງການຂະໜາດໃຫຍ່. ສາມ, ຕ້ອງເປີດກວ້າງການເປີດປະຕູສູ່ຕະຫຼາດຂອງກັນແລະກັນ. ສີ່, ຕ້ອງຊຸກຍູ້ໃຫ້ການຮ່ວມກັນສ້າງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”ເຊື່ອມຈອດກັບຍຸດທະສາດເຊື່ອມໂຍງເອີລົບ-ອາຊີຂອງສະຫະພາບເອີລົບ. ຫ້າ, ຕ້ອງລົງເລິກການຮ່ວມມືໃນການປະດິດສ້າງໃໝ່, ຮ່ວມກັນບັນລຸການພັດທະນາແບບຍືນຍົງ. ຫົກ, ຕ້ອງຊຸກຍູ້ການແລກປ່ຽນແລະການຖອດຖອນບົດຮຽນດ້ານອາລິຍະທຳ.
ທ່ານສີຈິ້ນຜິງກ່າວວ່າ, ຈີນຍິນດີເພີ່ມທະວີການຮ່ວມມືກັບຝຣັ່ງໃນຂອບກົນໄກຫຼາຍຝ່າຍເຊັ່ນ: ສະຫະປະຊາຊາດແລະກຸ່ມ 20 ປະເທດຫຼື G20, ຍຶດໝັ້ນການຮັກສາກົນໄກການຄ້າຫຼາຍຝ່າຍ. ຍຶດໝັ້ນໃນຫຼັກການມີຄວາມຮັບຜິດຊອບຮ່ວມກັນ ແຕ່ມີພັນທະຕ່າງກັນ, ລົງເລິກປະຕິບັດ “ສົນທິສັນຍາປາຣີ”ຢ່າງຮອບດ້ານ.
ທ່ານມາຄຣົງກ່າວວ່າ, ທ່ານເຫັນດີຕາມຄວາມເຫັນຂອງທ່ານປະທານສີຈິ້ນຜິງຕໍ່ການລົງເລິກການຮ່ວມມືຝຣັ່ງ-ຈີນ. ສອງປະເທດມີຫຼັກໝັ້ນຄືກັນໃນຫຼາຍບັນຫາທີ່ສຳຄັນຂອງສາກົນ, ພາຍໃຕ້ສະພາບການສາກົນໃນປັດຈຸບັນນີ້, ຝຣັ່ງ-ຈີນເປັນສອງປະເທດໃຫຍ່ ທີ່ມີໜ້າທີ່ຮັບຜິດຊອບທີ່ສຳຄັນເປັນພິເສດ, ການທີ່ຝຣັ່ງເພີ່ມທະວີການສົນທະນາແລະຮ່ວມມືກັບຈີນ ມີບົດບາດທີ່ເປັນແບບຢ່າງທີ່ສຳຄັນ.
ຫຼັງຈາກການພົບປະ, ປະມຸກລັດສອງປະເທດໄດ້ຮ່ວມກັນເປັນສັກຂີພິຍານໃນພິທີເຊັນເອກະສານຮ່ວມມືຫຼາຍສະບັບ, ເຊິ່ງກ່ຽວພັນເຖິງຂົງເຂດຕ່າງໆເຊັ່ນ: ການບິນອາວະກາດ, ພະລັງງານນິວເຄຼິຍ, ການຄຸ້ມຄອງການຮັບມືສຸກເສີນ, ມໍລະດົກວັດທະນະທຳ, ກະສິກຳ, ອຸດສາຫະກຳ, ການອະນຸລັກທຳມະຊາດ, ການທະນາຄານ, ແລະການຮ່ວມມືສາມຝ່າຍ.
ວັນທີ 6 ພະຈິກນີ້, ທ່ານສີຈິ້ນຜິງຈັດພິທີຕ້ອນຮັບທ່ານມາຄຣົງ ປະທານາທິບໍດີຝຣັ່ງຢູ່ນອກຫໍສະພາປະຊາຊົນແຫ່ງຊາດຈີນ ກ່ອນການພົບປະ
ວັນທີ 6 ພະຈິກນີ້, ທ່ານສີຈິ້ນຜິງພ້ອມພັນລະຍາຖ່າຍຮູບຮ່ວມກັບທ່ານມາຄຣົງພ້ອມພັນລະຍາ ຢູ່ຫໍສະພາປະຊາຊົນແຫ່ງຊາດຈີນ ກ່ອນການພົບປະ
ວັນທີ 6 ພະຈິກນີ້, ທ່ານສີຈິ້ງຜິງ ປະທານປະເທດຈີນໄດ້ຈັດການພົບປະກັບທ່ານມາຄຣົງ ປະທານາທິບໍດີຝຣັ່ງຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ
ຄຳເຫັນ
0