ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 8 ພະຈິກນີີ້, ກົມໃຫຍ່ພາສີອາກອນແຫ່ງລັດຈີນໄດ້ເຜີຍແຜ່ຕົວເລກໂດຍສະແດງໃຫ້ເຫັນວ່າ, ໃນ 10 ເດືອນຂອງປີ 2019 ນີ້, ຍອດມູນຄ່າການນຳເຂົ້າແລະສົ່ງອອກດ້ານການຄ້າກັບຕ່າງປະເທດຂອງຈີນບັນລຸ 25630 ຕື້ຢວນ, ໄດ້ເພີ່ມຂຶ້ນ 2,4% ເມື່ອທຽບໃສ່ໄລຍະດຽວກັນຂອງປີ 2018, ຍັງສາມາດຮັກສາທ່ວງທ່າການພັດທະນາທີ່ໝັ້ນທ່ຽງຢ່າງຕໍ່ເນື່ອງ.
ເມື່ອເບິ່ງຈາກຄູ່ຮ່ວມມືການຄ້າ, ການນຳເຂົ້າແລະສົ່ງອອກຂອງຈີນກັບຕໍ່ສະຫະພາບເອີຣົບແລະອາຊຽນແມ່ນເພີ່ມຂຶ້ນ, ຈັງຫວະການເຕີບໂຕດ້ານການນຳເຂົ້າແລະສົ່ງອອກຕໍ່ບັນດາປະເທດລຽບຕາມ “ໜຶ່ງແລວໜຶ່ງເສັ້ນທາງ”ບັນລຸຫຼາຍກວ່າຈັງຫວະການເຕີບໂຕໂດຍລວມ.
ເມື່ອເບິ່ງຈາກທຸກພາກສ່ວນເສດຖະກິດແລ້ວ, ໃນ 10 ເດືອນປີ 2019 ນີ້, ຍອດມູນຄ່າການນຳເຂົ້າແລະສົ່ງອອກຂອງວິສາຫະກິດເອກະຊົນເຖິງ 10870 ຕື້ຢວນ, ເພີ່ມຂຶ້ນ 10,3%, ໄດ້ກວມ 42,4% ຂອງຍອດມູນຄ່າການຄ້າກັບຕ່າງປະເທດຂອງຈີນ.
ຄຳເຫັນ
0