ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານ ກີຣີອາໂກສ ມິດໂຊຕາກິສ ນາຍົກລັດຖະມົນຕີເກຼັກ. ສອງຝ່າຍໄດ້ອອກຖະແຫຼງການຮ່ວມກ່ຽວກັບການເພີ່ມທະວີການພົວພັນຄູ່ຮ່ວມຍຸດທະສາດຮອບດ້ານ ໂດຍເນັ້ນວ່າ, ສອງຝ່າຍຈະຮ່ວມກັນຊຸກຍູ້ແລະລົງເລິກການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນກັບສະຫະພາບເອີຣົບ, ຮ່ວມກັນສ້າງສາຍພົວພັນຄູ່ຮ່ວມສັນຕິພາບ, ການເຕີບໂຕ, ການປະຕິຮູບ ແລະອະລະຍະທຳ. ສອງຝ່າຍເຫັນວ່າ, ການຮ່ວມມືລະຫວ່າງຈີນກັບປະເທດເອີຣົບຕາເວັນອອກແລະເອີຣົບກາງເປັນການຊ່ວຍຊູ້ຍູ້ໜູນຕໍ່ການພົວພັນລະຫວ່າງຈີນກັບເອີຣົບ. ເກຼັກໄດ້ສະແດງຄວາມເພິ່ງພໍໃຈຕໍ່ການເຂົ້າຮ່ວມກົນໄກການຮ່ວມມືລະຫວ່າງຈີນກັບປະເທດເອີຣົບຕາເວັນອອກແລະເອີຣົບກາງຢ່າງເປັນທາງການ ແລະຍິນດີເສີມຂະຫຍາຍບົດບາດທີ່ຕັ້ງໜ້າໃນກົນໄກນີ້ ເພື່ອຊຸກຍູ້ການຮ່ວມມືລະຫວ່າງຈີນກັບປະເທດເອີຣົບຕາເວັນອອກແລະເອີຣົບກາງໃຫ້ໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.
ໃນການພົບປະດັ່ງກ່າວ, ທ່ານສີຈິ້ນຜິງກ່າວວ່າ: ເກຼັກແມ່ນປະເທດສະມາຊິກສຳຄັນຂອງສະຫະພາບເອີຣົບ ທັງປະເທດປະເທດສຳຄັນໃນເຂດບອນຄານ. ການຮ່ວມມືລະຫວ່າງຈີນກັບປະເທດເອີຣົບຕາເວັນອອກແລະເອີຣົບກາງຈະເຮັດໃຫ້ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນກັບເອີຣົບມີເນື້ອໃນທີ່ອຸດົມສົມບຸນຂຶ້ນ. ຈີນຍິນດີຮ່ວມກັບເກຼັກ, ສ້າງກົນໄກຮ່ວມມືນີ້ໃຫ້ດີ, ຮ່ວມກັນປົກປັກຮັກສາລັດທິຫຼາຍຝ່າຍແລະການຄ້າເສລີ ເພື່ອບັນລຸຕ່າງຝ່າຍຕ່າງໄດ້ຮັບຜົນປະໂຫຍດ.
ທ່ານມິດໂຊຕາກິສກ່າວວ່າ, ເກຼັກຈະສືບຕໍ່ພະຍາຍາມພັດທະນາການຮ່ວມມືລະຫວ່າງປະເທດເອີຣົບຕາເວັນອອກແລະເອີຣົບກາງກັບຈີນ ແລະເສີມຂະຫຍາຍບົດບາດອັນຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງສະຫະພາບເອີຣົບກັບຈີນໃຫ້ຂະຫຍາຍຕົວຕື່ມອີກ.
ຄຳເຫັນ
0