ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດທີ່ທ່ານສີຈິ້ນຜິງປະທານປະເທດຈີນຈະເດີນທາງໄປເຂົ້າຮ່ວມການພົບປະຄັ້ງທີ11ຂອງຜູ້ນຳປະເທດບຣິກສຢູ່ບຣາຊິນ, ຟິມສາລະຄະດີ“ສຸພາສິດບູຮານທີ່ທ່ານສີຈິ້ນຜິງມັກ”ແລະ“ພວກເຮົາຍ່າງຕາມທາງໃຫຍ່”ສະບັບພາສາປອກຕຸຍການທີ່ຜະລິດໂດຍສະຖານີວິທະຍຸໂທລະພາບສູນກາງຈີນ ໄດ້ອອກອາກາດໃນຊ່ອງຂ່າວໂທລະພາບແລະຊ່ອງສິລະປະ ພ້ອມທັງເວັບໄຊສື່ໃໝ່ຂອງກຸ່ມແບນເດີເຣນຕີສ ກອມມູນິດກາຕິ ບຣາຊິນໃນວັນທີ11ພະຈິກນີ້. ນີ້ແມ່ນການອອກອາກາດຟິມສາລະຄະດີ2ເລື່ອງດັ່ງກ່າວຢູ່ບຣາຊິນຄັ້ງທຳອິດ.ທ່ານເຊີ້ນຫາຍຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ,ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນ, ທ່ານເຊີນເພີ້ຍເຈ ກົງສຸນໃຫຍ່ຂອງຈີນປະຈຳເຊົາເປົາໂລ, ທ່ານໂດເຣຍ ເຈົ້າຄອງລັດເຊົາເປົາໂລປະເທດບຣາຊິນໄດ້ເຂົ້າຮ່ວມພິທີອອກອາກາດດັ່ງກ່າວ.
ທ່ານເຊີ້ນຫາຍຊົງກ່າວວ່າ,ປີນີ້ແມ່ນປີທີ່ຈີນແລະບຣາຊິນສ້າງຕັ້ງສາຍພົວພັນທາງການທູດຄົບຮອບ45ປີ,ການພົວພັນຄູ່ຮ່ວມຍຸດທະສາດຮອບດ້ານຈີນ-ບຣາຊິນໄດ້ເຂົ້າສູ່ລວງເລິກຢ່າງບໍ່ຢຸດຢັ້ງພາຍໃຕ້ການນຳພາຂອງປະມຸກລັດສອງປະເທດ. ຟິມສາລະຄະດີ“ສຸພາສິດບູຮານທີ່ທ່ານສີຈິ້ນຜິງມັກ”ແລະ“ພວກເຮົາຍ່າງຕາມທາງໃຫຍ່”ສະບັບພາສາປອກຕຸຍການອອກອາກາດ ຈະເປັນການເປີດປະຕູໃຫ້ແກ່ປະຊາຊົນບຣາຊິນເຂົ້າໃຈປະເທດຈີນໃນປັດຈຸບັນຢ່າງເລິກເຊິ່ງ, ເຮັດໃຫ້ປະຊາຊົນບຣາຊິນມີໂອກາດໄດ້ສຳຜັດຄວາມມີສະເໜ່ຂອງທ່ານປະທານສີຈິ້ນຜິງ,ສຳຜັດກັບການປ່ຽນແປງອັນໃຫຍ່ຫຼວງໃນໄລຍະ70ປີຂອງປະເທດຈີນທີ່ເກົ່າແກ່ຢ່າງແທ້ຈິງ ໂດຍສະເພາະແມ່ນຮູ້ສຶກໄດ້ເຖິງນ້ຳໃຈຂອງປະຊາຊົນຈີນທີ່ກ້າວເຂົ້າສູ່ຍຸກໃໝ່, ແລະເປັນການແລກປ່ຽນດ້ານວັດທະນະທຳລະຫວ່າງປະຊາຊົນສອງຊາດໃຫ້ເລິກເຊິ່ງກວ່າເກົ່າ.
ຄຳເຫັນ
0