ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານສີຈີ້ນຜິງ ປະທານປະເທດຈີນໄດ້ຢ້ຽມຢາມເກຼັກທາງລັດຖະກິດແຕ່ວັນທີ 10 ຫາວັນທີ 12 ພະຈິກນີ້. ວົງການຕ່າງໆຂອງເກຼັກໃຫ້ຄວາມສົນໃຈຢ່າງສູງຕໍ່ການຢ້ຽມຢາມຂອງທ່ານປະທານສີຈີ້ນຜິງເທື່ອນີ້ ແລະ ຕັ້ງໜ້າຕີລາຄາສູງຕໍ່ໝາກຜົນການຮ່ວມມືລະຫວ່າງຈີນ ກັບ ເກຼັກ.
ໃນເວລາໃຫ້ສຳພາດຕໍ່ນັກຂ່າວຢູ່ນະຄອນຫຼວງເອເທນ, ທ່ານຈອສ ໂຊໂກປູໂລສ໌ ຊ່ຽວຊານບັນຫາສາກົນຂອງເກຼັກ, ຫົວໜ້າໂຄງການເອີລົບ-ຈີນຂອງສູນສາກົນຄົ້ນຄວ້າເອີລົບກ່າວວ່າ, ການຢ້ຽມຢາມຂອງທ່ານສີຈີ້ນຜິງເທື່ອນີ້ແມ່ນການຢ້ຽມຢາມທີ່ມີຄວາມໝາຍສຳຄັນຄັ້ງໜຶ່ງ, ສະແດງໃຫ້ເຫັນວ່າ ຈີນໃຫ້ຄວາມສຳຄັນຢ່າງສູງຕໍ່ການຂະຫຍາຍການພົວພັນລະຫວ່າງສອງປະເທດ, ເຊິ່ງຈະເປັນການເພີ່ມພະລັງແຮງໃໝ່ຕໍ່ການຮ່ວມມືທີ່ຕິດແທດຕົວຈິງລະຫວ່າງຈີນ-ເກຼັກ.
ທ່ານວາຊີລີສ ດີກາລາກິສ໌ ຮອງລັດຖະມົນຕີກະຊວງສຶກສາທິການເກຼັກກ່າວຕໍ່ນັກຂ່າວວ່າ, ຈີນ ກັບ ເກຼັກເປັນປະເທດທີ່ມີອາລະຍະທຳເກົ່າແກ່, ການແລກປ່ຽນບົດຮຽນເປັນເລື່ອງສຳຄັນ, ສອງປະເທດມີຄວາມສາມາດບົ່ມຊ້ອນອັນໃຫຍ່ຫຼວງໃນຂົງເຂດການສຶກສາ, ການຢ້ຽມຢາມຂອງທ່ານສີຈີ້ນຜິງຄັ້ງນີ້ຈະເປັນການຊຸກຍູ້ການຮ່ວມມື ແລະ ການແລກປ່ຽນລະຫວ່າງສອງປະເທດໃນຂົງເຂດນີ້ຕື່ມອີກ.
ພ້ອມກັນນັ້ນ, ປະຊາຊົນທ້ອງຖິ່ນໄດ້ຕີລາຄາສູງຕໍ່ການຢ້ຽມຢາມເກຼັກຂອງທ່ານສີຈີ້ນຜິງໃນຄັ້ງນີ້. ນາງຕີນາ ດີແມດຕີຣອຸສ ຊາວເມືອງໃນນະຄອນຫຼວງເອເທນ, ບອກກັບນັກຂ່າວວ່າ, ຈີນ ກັບ ເກຼັກຕົກລົງເພີ່ມທະວີການຮ່ວມມືກັນຕື່ມອີກໃນຂົງເຂດການລົງທຶນ, ທ່າກຳປັ່ນ, ການທະນາຄານ ແລະ ພະລັງງານ, ເຊິ່ງແມ່ນຄວາມມຸ່ງຫວັງອັນແຮງກ້າຂອງປະຊາຊົນເກຼັກຕໍ່ເລື່ອງນີ້.
ຄຳເຫັນ
0