ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ພະຈິກນີ້, ອົງການສະຖິຕິແຫ່ງຊາດຈີນໄດ້ເປີດເຜີຍຕົວເລກສະແດງໃຫ້ເຫັນວ່າ, ນັບແຕ່ເດືອນມັງກອນ ຫາ ເດືອນຕຸລາປີນີ້, ໄດ້ສ້າງວຽກເຮັດງານທຳໃຫ້ 11,93 ລ້ານຄົນໃນຕົວເມືອງຂອງຈີນ, ບັນລຸເປົ້າໝາຍໄດ້ລ່ວງໜ້າໃນການສ້າງວຽກເຮັດງານທຳໄດ້ຫຼາຍກວ່າ 11 ລ້ານຄົນໃນຕົວເມືອງປີ 2019.
ຕົວເລກສະແດງໃຫ້ເຫັນວ່າ, ໃນ 10 ເດືອນຂອງປີນີ້, ຂະແໜງການບໍລິການຂອງຈີນໄດ້ເພີ່ມຂຶ້ນຢ່າງໝັ້ນທ່ຽງ, ໃນນັ້ນ ຂະແໜງການບໍລິການທັນສະໄໝມີທ່ວງທ່າຂະຫຍາຍຕົວທີ່ດີ, ອຸດສາຫະກຳໄດ້ເຕີບໂຕຢ່າງຕໍ່ເນື່ອງ, ຂະແໜງການໃໝ່ ແລະ ຜະລິດຕະພັນໃໝ່ໄດ້ພັດທະນາອ່າວໄວ, ການຈຳໜ່າຍໃນຕະຫຼາດໄດ້ເປີດກວ້າງຢ່າງໝັ້ນທ່ຽງ, ການຂາຍສິນຄ້າທາງອິນເຕີເນັດ ແລະ ການບໍລິໂພກດ້ານບໍລິການກໍເຕີບໂຕຫຼາຍ, ການລົງທຶນໄດ້ເພີ່ມຂຶ້ນໃນຂັ້ນພື້ນຖານ, ການລົງທຶນໃນອຸດສາຫະກຳເຕັກນິກຂັ້ນສູງ ແລະ ຂົງເຂດທາງສັງຄົມສືບຕໍ່ພັດທະນາອ່າວໄວ. ໃນນັ້ນ, ນັບແຕ່ເດືອນມັງກອນ ຫາ ເດືອນຕຸລາປີນີ້, ການລົງທຶນໃສ່ອຸດສາຫະກຳເຕັກນິກຂັ້ນສູງເພີ່ມຂຶ້ນ 14,2% ເມື່ອທຽບໃສ່ໄລຍະດຽວກັນຂອງປີກາຍນີ້.
ຄຳເຫັນ
0