ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ພະຈິກນີ້ຕາມເວລາທ້ອງຖິ່ນ, ຢູ່ບຣາຊີເລຍ ນະຄອນຫຼວງບຣາຊິນ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານມາຕາເມລາ ຣາມາໂຟຊາ ປະທານາທິບໍດີອາຟຼິກາໃຕ້.
ທ່ານສີຈິ້ນຜິງຊີ້ອອກວ່າ, ຝ່າຍຈີນຍິນດີຮ່ວມມືກັບອາຟຼິກາໃຕ້ຢ່າງສະແໜ້ນແຟ້ນ, ເດັດດ່ຽວຮັກສາແລະຂະຫຍາຍການພົວພັນຄູ່ຮ່ວມຍຸດທະສາດຮອບດ້ານຈີນ-ອາຟຼິກາໃຕ້. ສອງຝ່າຍຄວນສືບຕໍ່ເພີ່ມທະວີການເຊື່ອມຕໍ່ຍຸດທະສາດການພັດທະນາ, ຕັ້ງໜ້າເປີດກວ້າງການຄ້າແລະການລົງທຶນລະຫວ່າງສອງຝ່າຍ, ເປີດກວ້າງການຮ່ວມມືໃນຂົງເຂດຕ່າງໆເຊັ່ນ: ສ້າງຄວາມສາມາດຂະແໜງອຸດສາຫະກຳ, ການກໍ່ສ້າງພື້ນຖານໂຄງລ່າງເປັນຕົ້ນແລະເຮັດໃຫ້ການຮ່ວມມືສ້າງ “ ໜຶ່ງແລວທາງໜຶ່ງເສັ້ນທາງ” ຮ່ວມກັນໄດ້ຮັບຄວາມຄືບໜ້າ. ຝ່າຍຈີນຍິນດີພະຍາຍາມຮ່ວມກັບຝ່າຍອາຟຼິກາໃຕ້, ເພື່ອເພີ່ມທະວີຄວາມສາມັກຄີແລະການຮ່ວມມືຂອງປະເທດບຣິກສ໌, ຊຸກຍູ້ການສ້າງເວທີປຶກສາຫາລືການຮ່ວມມືຈີນ-ອາຟຼິກາ, ຮັກສາການຕິດຕໍ່ພົວພັນກັນແລະປະສານງານຢ່າງໃກ້ຊິດກ່ຽວກັບບັນຫາສຳຄັນຂອງພາກພື້ນແລະສາກົນ, ປົກປ້ອງຄວາມຍຸດຕິທຳແລະຄວາມເປັນທຳສາກົນ.
ທ່ານຣາມາໂຟຊາ ໄດ້ອວຍພອນສາທາລະນະລັດປະຊາຊົນຈີນສະຖາປະນາ ຂຶ້ນຄົບຮອບ 70 ປີ. ທ່ານກ່າວວ່າ, ອາຟຼິກາໃຕ້ຊົມເຊີຍຜົນສຳເລັດອັນຍິ່ງໃຫຍ່ຂອງປະຊາຊົນຈີນພາຍໃຕ້ການນຳພາຂອງພັກກອມມູນິດຈີນ, ອາຟຼິກາໃຕ້ສະໜັບສະໜູນການພັດທະນາທີ່ກ້າວໄປໜ້າຂອງຈີນຢ່າງໝັ້ນໜຽວ, ສະໜັບສະໜູນຈີນຮັກສາອະທິປະໄຕແລະສິດຜົນປະໂຫຍດອັນຖືກຕ້ອງຕາມກົດໝາຍຂອງຕົນ. ອາຟຼິກາໃຕ້ຍິດດີເພີ່ມທະວີການແລກປ່ຽນລະຫວ່າງພັກຕ່າງກັບພັກກອມມູນິດຈີນ. ອາຟຼິກາໃຕ້ຫວັງຢາກເປີດກວ້າງການຮ່ວມມືໃນຂົງເຂດຕ່າງໆເຊັ່ນ: ເສດຖະກິດການຄ້າສອງຝ່າຍ, ການກໍ່ສ້າງພື້ນຖານໂຄງລ່າງແລະປັນຍາປະດິດເປັນຕົ້ນ, ຍິນດີຕ້ອນຮັບວິສາຫະກິດຈີນຫຼາຍກວ່າເກົ່າໄປລົງທຶນແລະເຮັດທຸລະກິດຢູ່ອາຟຼິກາໃຕ້.
ຄຳເຫັນ
0