ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພະຈິກນີ້, ທ່ານຢ໋າງກວ່າງ ໂຄສົກຫ້ອງການຮົງກົງແລະມາກາວຄະນະລັດຖະບານຈີນໄດ້ກ່າວຄຳເຫັນຕໍ່ເຫດການທີ່ພວກກໍ່ຈະລາຈົນຢູ່ຮົງກົງໄດ້ໂຈມຕີຊາວຮົງກົງຜູ້ໜຶ່ງຈົນເສຍຊີວິດ ແລະ ທ່ານນາງເຕເຣຊາ ແຈງ ຫົວໜ້າຝ່າຍກົດໝາຍແລະການເມືອງເຂດບໍລິຫານພິເສດຮົງກົງຖືກໂຈມຕີຢູ່ນະຄອນຫຼວງລອນດອນປະເທດອັງກິດ ແລະ ກ່າວປະນາມຢ່າງຮຸນແຮງຕໍ່ຜູ້ໃຊ້ກຳລັງຮຸນແຮງ ທັງຮຽກຮ້ອງໃຫ້ເຈົ້າໜ້າທີ່ຕຳຫຼວດຈົ່ງລົງໂທດພວກກໍ່ຈະລາຈົນຕາມກົດໝາຍໂດຍໄວເທົ່າທີ່ຈະໄວໄດ້.
ຕອນບ່າຍວັນທີ 13 ພະຈິກນີ້, ຢູ່ເຂດຊິ່ນເຈ້ຍຮົງກົງ, ພວກກໍ່ຈະລາຈົນກຸ່ມໜຶ່ງໄດ້ໂຈມຕີປະຊາຊົນຮົງກົງທີ່ພວມກຳຈັດເຄື່ອງກັ້ນຖະໜົນຢ່າງປ່ວງບ້າ ເຮັດໃຫ້ກຳມະກອນອະນາໄມຄົນໜຶ່ງທີ່ມີອາຍຸ 70 ປີໄດ້ຮັບບາດເຈັບສາຫັດ ແລະ ເສຍຊີວິດໃນຕອນຄ່ຳມື້ລຸນມາ ເຊິ່ງແມ່ນກໍລະນີທຳອິດທີ່ມີຊາວຮົງກົງເສຍຊີວິດນັບຕັ້ງແຕ່ເກີດເຫດການໃຊ້ກຳລັງຮຸນແຮງຢູ່ຮົງກົງ ເປັນຕົ້ນມາ. ນອກນີ້, ວັນທີ 14 ພະຈິກນີ້ຕາມເວລາລອນດອນ, ທ່ານນາງເຕເຣຊາ ແຈງ ຫົວໜ້າຝ່າຍກົດໝາຍແລະການເມືອງເຂດບໍລິຫານພິເສດຮົງກົງໄດ້ຖືກພວກກໍ່ຈະລາຈົນຫຼາຍສິບຄົນໂຈມຕີ ແລະ ຖືກບາດເຈັບ ໃນຂະນະທີ່ທ່ານເຂົ້າຮ່ວມກອງປະຊຸມສຳມະນາຢູ່ທ້ອງຖິ່ນດັ່ງກ່າວ.
ຄຳເຫັນ
0