ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານ ສີຈິ້ນຜິງ ປະທານປະເທດຈີນໄດ້ຢືນຢັນຫຼັກໝັ້ນຂອງລັດຖະບານຈີນຢ່າງໜັກແໜ້ນກ່ຽວກັບສະຖານະການຢູ່ຮົງກົງໃນປັດຈຸບັນ. ວັນທີ 17 ພະຈິກນີ້, ວົງການຕ່າງໆໃນສັງຄົມຮົງກົງກ່າວວ່າ: ໂດຍຖືເອົາຄຳປາໄສຂອງທ່ານປະທານສີຈິ້ນຜິງເປັນທິດຊີ້ນຳ,ສັງຄົມຮົງກົງຕ້ອງຮ່ວມແຮງຮ່ວມໃຈກັນເພື່ອຕໍ່ຕ້ານຄວາມຮຸນແຮງ,ຈຶ່ງຈະສາມາດປົກປັກຮັກສາຄວາມຈະເລີນຮຸ່ງເຮືອງແລະຄວາມຜາສຸກຂອງປະຊາຊົນໄດ້ດີກວ່າເກົ່າ.
ທ່ານ ອຶງເລືອງໂຮ ກຳມະການປະຈຳສະພາປຶກສາການເມືອງປະຊາຊົນແຫ່ງຊາດຈີນ,ປະທານກິຕິມະສັກຂອງສະຫະສະມາຄົມຊາວຟູຈ້ຽນຢູ່ຮົງກົງກ່າວວ່າ: ຄຳປາໄສຂອງທ່ານປະທານສີຈິ້ນຜິງໄດ້ສະແດງໃຫ້ເຫັນວ່າລັດຖະບານໄດ້ໃຫ້ການສະໜັບສະໜູນທີ່ເຂັ້ມແຂງຕໍ່ຮົງກົງ,ຈະຫ້າມບໍ່ໃຫ້ເກີດມີຄວາມວຸ້ນວາຍຢູ່ຮົງກົງຕະຫຼອດໄປຢ່າງເດັດຂາດ.ການສະໜັບສະໜູນທີ່ເຂັ້ມແຂງຂອງລັດຖະບານຈະເພີ່ມທະວີຄວາມໝັ້ນໃຈໃຫ້ສັງຄົມຮົງກົງໃນການຕໍ່ຕ້ານຄວາມຮຸນແຮງແລະປ້ອງກັນບໍ່ໃຫ້ເກີດເຫດການຄວາມຮຸນແຮງ.
ທ່ານນາງ ຢາງຈື້ຫົງ ກຳມະການສະພາປຶກສາການເມືອງປະຊາຊົນແຫ່ງຊາດເຂດພິເສດຮົງກົງ,ຜູ້ອຳນວຍການຄັງສະໝອງພະລັງງານຊາວໜຸ່ມໃໝ່ຮົງກົງຊີ້ໃຫ້ເຫັນວ່າ:ຫຼັງຈາກໄດ້ຟັງຄຳປາໄສຂອງທ່ານປະທານສີຈິ້ນຜິງແລ້ວ,ປະຊາຊົນຮົງກົງໂດຍທົ່ວໄປຍິ່ງມີຄວາມກ້າຫານແລະມີຄວາມໝັ້ນໃຈໃນການຕໍ່ຕ້ານການກະທຳຜິດດ້ວຍຄວາມຮຸນແຮງທຸກຮູບແບບ. ໃນຫຼາຍມື້ຜ່ານມາ, ມີປະຊາຊົນຫຼາຍກວ່າເກົ່າໄດ້ໄປຮືສິ່ງກີດຂວາງຢູ່ຕາມຖະໜົນທີ່ພວກກໍ່ຈະລາຈົນກັ້ນໄວ້,ເຊື່ອວ່າໃນອະນາຄົດຈະມີປະຊາຊົນຫຼາຍກວ່າເກົ່າຕໍ່ຕ້ານຄວາມຮຸນແຮງດ້ວຍການກະທຳຕົວຈິງ,ເພື່ອເຮັດໃຫ້ສັງຄົມມີຄວາມເປັນລະບຽບຮຽບຮ້ອຍໂດຍໄວ.
ທ່ານນາງ ເຢ້ຊຸ້ນຊິ່ງ ກຳມະການສະພາປຶກສາການເມືອງປະຊາຊົນແຫ່ງຊາດເຂດພິເສດຮົງກົງ,ປະທານສະຫະພັນແມ່ຍິງຮົງກົງກ່າວວ່າ: ຄຳປາໄສຂອງທ່ານປະທານສີຈິ້ນຜິງເປັນການຢືນຢັນຢ່າງຈະແຈ້ງວ່າການຕໍ່ຕ້ານຄວາມຮຸນແຮງແລະປ້ອງກັນບໍ່ໃຫ້ເກີດເຫດການຄວາມຮຸນແຮງບໍ່ແມ່ນເປັນພຽງໜ້າທີ່ຂອງພາກສ່ວນໃດໜຶ່ງເທົ່ານັ້ນ,ຫາກຄວນແມ່ນໜ້າທີ່ຄວາມຮັບຜິດຊອບຮ່ວມກັນຂອງຫຼາຍພາກສ່ວນອີກດ້ວຍ. ໃນຕໍ່ໜ້າ,ພາກສ່ວນຕ່າງໆຕ້ອງມີການປະສານສົມທົບກັນຢ່າງແໜ້ນແຟ້ນ,ຮ່ວມແຮງຮ່ວມໃຈເຮັດໜ້າທີ່ກ່ຽວກັບການຕໍ່ຕ້ານຄວາມຮຸນແຮງແລະປ້ອງກັນບໍ່ໃຫ້ເກີດເຫດການຄວາມຮຸນແຮງໃຫ້ສຳເລັດຜົນ.
ຄຳເຫັນ
0