ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ທ່ານອາມີຣາ ເອວຟາດິວ ກຳມະການວຽກງານທາງສັງຄົມຂອງຄະນະກຳມາທິການສະຫະພາບອາຟຣິກາໄດ້ໃຫ້ສຳພາດຕໍ່ນັກຂ່າວຢູ່ນະຄອນຫຼວງອາດິສອາເບບາປະເທດເອທິໂອປີວ່າ, ການຊ່ວຍເຫຼືອດ້ານການແພດຂອງຈີນຕໍ່ອາຟຣິກາຈະເປັນການຍົກສູງຄວາມສາມາດດ້ານການຮັບມືກັບການແຜ່ລະບາດຂອງເຊື້ອພະຍາດຢູ່ອາຟຣິກາຕື່ມອີກ.
ທ່ານອາມີຣາ ເອວຟາດິວກ່າວວ່າ, ການຊ່ວຍເຫຼືອດ້ານການແພດຂອງຈີນຕໍ່ອາຟຣິກາມີຫຼາຍດ້ານ, ໃນນັ້ນ, ຈຸດສຳຄັນແມ່ນການຊ່ວຍເຫຼືອດ້ານເງິນທຶນແລະເຕັກນິກ ເພື່ອຍົກສູງຄວາມສາມາດດ້ານການແພດຂອງສະຫະພາບອາຟຣິກາໃນການຮັບມືກັບພະຍາດຕິດແປດ. ໂດຍຜ່ານການຊ່ວຍເຫຼືອຈາກຈີນ, ສະຫະພາບອາຟຣິກາພວມວາງແຜນສ້າງຫ້ອງທົດລອງຫຼາຍແຫ່ງ ເຊິ່ງເປັນພາກສ່ວນໜຶ່ງທີ່ຈີນໃຫ້ການຊ່ວຍເຫຼືອໃນການສ້າງສຳນັກງານໃຫຍ່ຂອງສູນຄວບຄຸມພະຍາດອາຟຣິກາ.
ທ່ານອາມີຣາ ເອວຟາດິວກ່າວຕື່ມວ່າ, ຈີນໃຫ້ການຊ່ວຍເຫຼືອດ້ານເຕັກນິກຢ່າງຕໍ່ເນື່ອງ, ໂດຍຜ່ານການຊ່ວຍເຫຼືອຂອງຈີນ, ຄວາມສາມາດຮັບມືກັບພະຍາດຕິດແປດ ແລະ ການແຜ່ລະບາດຂອງພະຍາດຢູ່ອາຟຣິກາຈະໄດ້ຮັບການຍົກສູງຂຶ້ນຕື່ມອີກ.
ຄຳເຫັນ
0