ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໜັງສືພິມເຢິນມິນຢື້ປ້າວຂອງຈີນໄດ້ອອກບົດວິເຄາະໃນວັນທີ 18 ພະຈິກນີ້ ໂດຍພາດຫົວຂໍ້ວ່າ: “ເດັດຂາດບໍ່ອະນຸຍາດໃຫ້ບຸກຄົນໃດໆທ້າທາຍຕໍ່ເສັ້ນເພດານຕ່ຳສຸດຂອງຫຼັກການ “ປະເທດດຽວສອງລະບອບ””.
ພຶດຕິກຳ “ປະເທດດຽວສອງລະບອບ” ຢູ່ເຂດບໍລິຫານພິເສດຮົງກົງນັບມື້ນັບມີເນື້ອໃນອຸດົມສົມບູນ ແລະ ເຕີບໃຫຍ່ຂະຫຍາຍຕົວເລື້ອຍໆ, ໄດ້ຮັກສາສະຖຽນລະພາບ ແລະ ຄວາມຈະເລີນຮຸ່ງເຮືອງຢ່າງຖາວອນຂອງຮົງກົງ, ເປັນພາກສ່ວນສຳຄັນຂອງຄວາມໃຝ່ຝັນຂອງຈີນ, ທັງແມ່ນຄວາມຮຽກຮ້ອງຕ້ອງການທີ່ຈຳເປັນໃນການຂະຫຍາຍແລະປັບປຸງລະບອບສັງຄົມນິຍົມທີ່ມີສີສັນພິເສດຂອງຈີນໃຫ້ສົມບູນ, ຊຸກຍູ້ການສ້າງລະບົບການປົກປ້ອງປະເທດ ແລະ ຄວາມສາມາດດ້ານການບໍລິຫານ.
ໃນເວລາເຂົ້າຮ່ວມກອງປະຊຸມສຸດຍອດກຸຸ່ມປະເທດບຣິກສຄັ້ງທີ 11 ທີ່ຈັດຂຶ້ນຢູ່ບຣາຊີເຣຍ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສສຳຄັນກ່ຽວກັບສະຖານະການຢູ່ຮົງກົງໃນປັດຈຸບັນ, ໂດຍຊີ້ອອກວ່າ, ການກະທຳຜິດດ້ວຍການໃຊ້ກຳລັງຮຸນແຮງຂອງພວກຫົວຮຸນແຮງໄດ້ເປັນການທ້າທາຍຢ່າງຮ້າຍແຮງຕໍ່ເສັ້ນເພດານຕ່ຳສຸດຂອງຫຼັກການ “ປະເທດດຽວສອງລະບອບ”, ພວກເຮົາເດັດຂາດຈະບໍ່ອະນຸຍາດໃຫ້ບຸກຄົນໃດໆທີ່ທ້າທາຍເສັ້ນເພດານຕ່ຳສຸດຂອງຫຼັກການ “ປະເທດດຽວສອງລະບອບ” ແລະ ຈະລົງໂທດຕໍ່ການກະທຳຜິດທຸກກໍລະນີຕາມກົດໝາຍຢ່າງເຂັ້ມງວດ.
ສິ່ງທີ່ຄວນເນັ້ນໜັກນັ້ນກໍຄື, “ປະເທດດຽວສອງລະບອບ” ແມ່ນແນວຄິດທີ່ສົມບູນ. ໃນນັ້ນ, “ປະເທດດຽວ” ກໍປຽບເໝືອນຮາກເຫງົ້າ, ມີຮາກເຫງົ້າທີ່ແຂງແຮງ, ຕົ້ນໄມ້ຈິ່ງຈະສາມາດແຕກໜໍ່ຈໍ່ແໜງແລະເຕີບໃຫຍ່ໄດ້ດີ. ກໍເຊັ່ນດຽວກັນໃນການຈັດຕັ້ງປະຕິບັດແນວທາງ “ປະເທດດຽວສອງລະບອບ” ຢູ່ຮົງກົງ, ກໍຈະບໍ່ອະນຸຍາດໃຫ້ແຕະຕ້ອງເຖິງເສັ້ນເພດານຕ່ຳສຸດທັງ 3 ດ້ານໄດ້ຢ່າງເດັດຂາດເຊັ່ນ: ເດັດຂາດບໍ່ອະນຸຍາດໃຫ້ມີການກະທຳທີ່ທຳລາຍອະທິປະໄຕ ແລະ ຄວາມໝັ້ນຄົງແຫ່ງຊາດ, ເດັດຂາດບໍ່ອະນຸຍາດໃຫ້ທ້າທາຍຕໍ່ສິດອຳນາດຂອງສູນກາງ ແລະ ຄວາມສັກສິດຂອງກົດໝາຍພື້ນຖານເຂດບໍລິຫານພິເສດຮົງກົງ, ເດັດຂາດບໍ່ອະນຸຍາດໃຫ້ນຳໃຊ້ຮົງກົງ ເພື່ອດຳເນີນການເຄື່ອນໄຫວແຊກຊຶມ ແລະ ທຳລາຍແຜ່ນດິນໃຫຍ່ຈີນ.
ຟ້າຝົນຜ່ານໄປຈິ່ງມີສາຍຮຸ່ງທີ່ສວຍງາມ. ພວກເຮົາເຊື່ອໝັ້ນຢ່າງໜັກແໜ້ນວ່າ, ໂດຍມີລັດຖະບານຈີນ ແລະ ປະຊາຊົນຈີນ 1,4 ຕື້ຄົນທີ່ເປັນກຳລັງໜູນຫຼັງທີ່ແຂງແກ່ນ, ຮົງກົງຍ່ອມຈະສາມາດເອົາຊະນະຄວາມສ່ຽງ ແລະ ສິ່ງທ້າຍທຸກຢ່າງໄດ້. ຮົງກົງຍ່ອມຈະສືບຕໍ່ເດີນຕາມເສັ້ນທາງທີ່ຖືກຕ້ອງໄດ້ຢ່າງໜັກແໜ້ນ ໂດຍພາຍໃຕ້ທິດຊີ້ນຳນຳພາຕາມແນວທາງ “ປະເທດດຽວສອງລະບອບ” ແລະ ກົດໝາຍພື້ນຖານຮົງກົງ, ຮົງກົງຈະຮ່ວມກັບແຜ່ນດິນໃຫຍ່ປະເທດຊາດຮ່ວມກັນສ້າງອະນາຄົດທີ່ສວຍງາມກວ່າເກົ່າໃຫ້ຊົນຊາດຈີນ.
ຄຳເຫັນ
0