ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວແຈ້ງວ່າ, ວັນທີ 17 ພະຈິກນີ້, ຂະບວນກຳປັ່ນບັນທຸກເຮືອບິນຂອງຈີນໄດ້ແລ່ນຜ່ານຊ່ອງແຄບໄຕ້ຫວັນ, ກຳປັ່ນຮົບອາເມຣິກາແລະຍີ່ປຸ່ນໄດ້ຕິດຕາມຂະບວນກຳປັ່ນຂອງຈີນ. ກ່ຽວກັບເລື່ອງນີ້, ທ່ານເກິ່ງສວງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 18 ພະຈິກນີ້ວ່າ, ຈີນຮຽກຮ້ອງໃຫ້ຝ່າຍທີ່ກ່ຽວຂ້ອງຢຸດຕິການກໍ່ກວນການເຄື່ອນໄຫວທາງການທະຫານທີ່ເປັນປົກກະຕິຂອງຈີນໃນທັນທີ.
ໂຄສົກທະຫານເຮືອຈີນກ່າວວ່າ, ວັນທີ 17 ພະຈິກນີ້, ກຳປັ່ນບັນທຸກເຮືອບິນຂອງຈີນລຳທີ 2 ໄດ້ແລ່ນຜ່ານຊ່ອງແຄບໄຕ້ຫວັນ ເພື່ອໄປດຳເນີນການທົດລອງຄົ້ນຄວ້າວິທະຍາສາດ ແລະ ຝຶກຊ້ອມຕາມປົກກະຕິທີ່ເຄີຍປະຕິບັດຢູ່ເຂດທະເລທີ່ກ່ຽວຂ້ອງຢູ່ທະເລຈີນໃຕ້. ການເຄື່ອນໄຫວຄັ້ງນີ້ແມ່ນກິດຈະກຳປົກກະຕິໃນການສ້າງກຳປັ່ນບັນທຸກເຮືອບິນ ໂດຍບໍ່ໄດ້ແນໃສ່ເປົ້າໝາຍໃດໆ ແລະ ບໍ່ມີສ່ວນກ່ຽວຂ້ອງກັບສະຖານະການໃນປັດຈຸບັນ.
ຄຳເຫັນ
0