ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພະຈິກນີ້, ຢູ່ນະຄອນຫຼວງຮ່າໂນ້ຍ, ທ່ານຫງວຽນກັວກຊຸງ ຮອງລັດຖະມົນຕີກະຊວງການຕ່າງປະເທດຫວຽດນາມເປັນປະທານຈັດກອງປະຊຸມຂ່າວ ເພື່ອແຈ້ງສະພາບການກະກຽມກ່ຽວກັບຫວຽດນາມຈະເປັນປະເທດປະທານໝູນວຽນອາຊຽນປະຈຳປີ 2020.
ທ່ານກ່າວວ່າ, ຄາດວ່າ, ໃນໄລຍະເປັນປະເທດປະທານໝູນວຽນ, ຫວຽດນາມຈະເປັນເຈົ້າພາບຈັດກິດຈະກຳ 300 ກວ່າຄັ້ງ ເຊິ່ງລວມທັງກອງປະຊຸມຂັ້ນສູງ, ງານວາງສະແດງ, ການໂຄສະນາດ້ານການທ່ອງທ່ຽວ, ງານແຂ່ງຂັນກິລາ ແລະ ອື່ນໆ. ກອງປະຊຸມບໍ່ເປັນທາງການຂອງລັດຖະມົນຕີການຕ່າງປະເທດອາຊຽນ ທີ່ເປັນກິດຈະກຳຄັ້ງທຳອິດຈະຈັດຂຶ້ນຢູ່ນະຄອນຍະຈ່າງໃນເດືອນມັງກອນປີ 2020. ນອກນີ້, ທ່ານຫງວຽນກັວກຊຸງຍັງໄດ້ແນະນຳວຽກງານບຸລິມະສິດໃນເວລາຫວຽດນາມເປັນປະເທດປະທານໝູນວຽນ.
ທ່ານຫງວຽນກັວກຊຸງກ່າວຕື່ມວ່າ, ຈີນ ແລະ ບັນດາປະເທດໃນອາຊຽນລ້ວນແຕ່ຫວັງຢາກາເລັ່ງລັດການເຈລະຈາກ່ຽວກັບ “ກົດແຫ່ງການປະພຶດຢູ່ທະເລຈີນໃຕ້” ໂດຍໄວເທົ່າທີ່ຈະໄວໄດ້. ໃນຖານະເປັນປະເທດປະທານໝູນວຽນອາຊຽນ, ຫວຽດນາມຈະອອກແຮງຊຸກຍູ້ໃຫ້ການເຈະລະຈາດຳເນີນໄປດ້ວຍຄຸນນະພາບສູງ ແລະ ມີປະສິດທິພາບສູງ. ຫວຽດນາມຈະຕັ້ງໜ້າປະສານສົມທົບກັບຟີລິບປິນ ທີ່ເປັນປະເທດປະສານງານການພົວພັນຈີນ-ອາຊຽນຢ່າງໃກ້ຊິດ ເພື່ອພະຍາຍາມໃຫ້ສຳເລັດການເຈລະຈາຮອບທີ 2 ສຳເລັດໃນປີ 2020.
ຄຳເຫັນ
0