ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກທີ່ກະຊວງການຄ້າຈີນເປີດເຜີຍໃນວັນທີ 18 ພະຈິກນີ້ສະແດງໃຫ້ເຫັນວ່າ, ນັບແຕ່ເດືອນມັງກອນຫາເດືອນຕຸລາປີນີ້, ທົ່ວປະເທດຈີນໄດ້ດຶງດູດການລົງທຶນຂອງຕ່າງປະເທດໃນຕົວຈິງ 752,41 ຕື້ຢວນ, ເພີ່ມຂຶ້ນ 6,6% ເມື່ອທຽບໃສ່ໄລຍະດຽວກັນຂອງປີຜ່ານມາ. ທ່ານຈຸ່ງສາງຊິ່ງ ຫົວໜ້າກົມການລົງທຶນຂອງຕ່າງປະເທດກະຊວງການຄ້າຈີນກ່າວວ່າ, ເມື່ອສັງເກດດ້ານໂຄງປະກອບແລ້ວເຫັນວ່າ, 10 ເດືອນທຳອິດປີນີ້, ຂະແໜງການບໍລິການ ແລະ ຂະແໜງການເຕັກນິກຂັ້ນສູງໄດ້ດຶງດູດທຶນຕ່າງປະເທດເພີ່ມຂຶ້ນອ່າວໄວ. ໃນນັ້ນ, ຈັງຫວະເພີ່ມຂຶ້ນຂອງທຶນຕ່າງປະເທດໃນຂະແໜງການບໍລິການດ້ານຂໍ້ມູນຂ່າວສານ, ການບໍລິການດ້ານການຄົ້ນຄວ້າພັດທະນາກັບການອອກແບບ ແລະ ຂະແໜງການນຳເອົາຜົນການຄົ້ນຄວ້າວິທະຍາສາດເຕັກໂນໂລຊີມາປັບໃຊ້ໃຫ້ເປັນຮູບປະທຳຕ່າງໄດ້ເພີ່ມຂຶ້ນ 65,3%, 61% ແລະ 74,5%ຕາມລຳດັບ.
ທ່ານຍັງກ່າວຕື່ມວ່າ, ເຖິງວ່າການລົງທຶນຂ້າມຊາຍແດນໃນທົ່ວໂລກຍັງເພີ່ມຂຶ້ນບໍ່ຫຼາຍກໍຕາມ, ແຕ່ການດຶງດູດທຶນຕ່າງປະເທດຂອງຈີນຍັງໄດ້ເພີ່ມຂຶ້ນຢ່າງໜັກແໜ້ນ ເຊິ່ງໝາຍຄວາມວ່າ, ນັກລົງທຶນທົ່ວໂລກມີຄວາມໝັ້ນໃຈຕໍ່ການລົງທຶນໃນຈີນ ແລະ ຈີນຈະສາມາດບັນລຸເປົ້າໝາຍດຶງດູດທຶນຕ່າງປະເທດໃນປີນີ້.
ຄຳເຫັນ
0