ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພະຈິກນີ້, ທ່ານອັສຣາຟ ການີ ປະທານາທິບໍດີອັຟການິສະຖານກ່າວວ່າ: ໃນຕອນຄ່ຳວັນທີ 28 ພະຈິກນີ້, ທ່ານໂດໂນ ທຣຳ ປະທານາທິບໍດີອາເມຣິກາໄດ້ຢ້ຽມຢາມອັຟການິສະຖານຢ່າງກະທັນຫັນ. ທ່ານທຣຳໄດ້ຢ້ຽມຢາມຖາມຂ່າວທະຫານອາເມຣິກາປະຈຳຢູ່ອັຟການິສະຖານ ແລະພົບປະກັບທ່ານການີ.
ນີ້ຖືວ່າເປັນຄັ້ງເທື່ອທຳອິດຂອງທ່ານທຣຳທີ່ຢ້ຽມຢາມອັບການິສະຖານນັບແຕ່ທ່ານດຳລົງຕຳແໜ່ງເປັນປະທານາທິບໍດີອາເມຣິກາເປັນຕົ້ນມາ. ບົດລາຍງານຂອງທຳນຽບຂາວໄດ້ສະແດງໃຫ້ເຫັນວ່າ: ພາຍຫຼັງພົບປະກັບທ່ານການີແລ້ວ, ທ່ານທຣຳໄດ້ໃຫ້ສຳພາດຕໍ່ນັກຂ່າວວ່າ: ປັດຈຸບັນນີ້, ອາເມຣິກາໄດ້ຟື້ນຟູການເຈລະຈາກັບກຸ່ມຕາລີບັນຄືນໃໝ່, ສອງຝ່າຍຈະສາມາດບັນລຸສັນຍາໄດ້ຫຼືບໍ່ນັ້ນ “ຕ້ອງຍັງລໍຖ້າ”.
ໃນເດືອນກັນຍາຜ່ານມາ, ທ່ານທຣຳໄດ້ອ້າງວ່າກຸ່ມຕາລີບັນໂຈມຕີດ້ວຍລະເບີດເຮັດໃຫ້ທະຫານອາເມຣິກາເສຍຊີວິດ, ສະນັ້ນຈຶ່ງຢຸດຕິການເຈລະຈາລະຫວ່າງອາເມຣິກາ ແລະກຸ່ມຕາລີບັນ.
ຄຳເຫັນ
0