ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພະຈິກນີ້, ພິທີສ້າງຕັ້ງສະຖາບັນຄົ້ນຄວ້າອາຫານໄທໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທ ເຊິ່ງແມ່ນສະຖາບັນຄົ້ນຄວ້າປະເທດໄທມະຫາວິທະຍາໄລຈຸລາລົງກອນ ແລະ ບໍລິສັດ Thai Fight ທີ່ເປັນບໍລິສັດຈັດການແຂ່ງຂັນມວຍໄທສາກົນທີ່ມີຊື່ສຽງ ໄດ້ຮ່ວມກັນສ້າງຕັ້ງຂຶ້ນ.
ທ່ານອິດທິພົນ ຄູນປລຶມ ລັດຖະມົນຕີກະຊວງວັດທະນະທຳໄທເຂົ້າຮ່ວມພິທີ ແລະ ກ່າວຄຳປາໄສວ່າ, ລັດຖະບານໄທໄດ້ວາງຍຸດທະສາດພັດທະນາເສດຖະກິດແຫ່ງຊາດຫຼາຍລາຍການ ແລະ ການເຜີຍແຜ່ອາຫານໄທຕໍ່ທົ່ວໂລກກໍແມ່ນໜຶ່ງໃນບັນດາລາຍການດັ່ງກ່າວ. ປັດຈຸບັນ, ຮ້ານອາຫານໄທໃນທົ່ວໂລກມີຫຼາຍກວ່າ 15.000 ແຫ່ງ, ອາຫານໄທໄດ້ຮັບຄວາມນິຍົມຊົມຊອບຈາກຄົນທັງຫຼາຍໃນຂອບເຂດທົ່ວໂລກ. ພວກເຮົາເຫັນວ່າ, ຕ້ອງລົງເລິກຄົ້ນຄວ້າແລະເຜີຍແຜ່ວັດທະນະທຳທີ່ກ່ຽວຂ້ອງກັບອາຫານໄທ. ຂະນະທີ່ຈຸດປະສົງຂອງການສ້າງຕັ້ງສະຖາບັນຄົ້ນຄວ້າອາຫານໄທກໍແມ່ນເຕົ້າໂຮມອົງການຈັດຕັ້ງຄົ້ນຄວ້າວິຊາການລະດັບສຸດຍອດ ແລະ ທີມງາມທີ່ມີປະສົບການທີ່ສຸດຂອງໄທໃນການເຜີຍແຜ່ວັດທະນະທຳໄທສູ່ໂລກ, ກຽມພ້ອມທຸກປະການເພື່ອພະຍາຍາມໃນການຮ້ອງຂໍໃຫ້ຈັດເອົາອາຫານໄທເຂົ້າໃນບັນຊີລາຍຊື່ມໍລະດົກວັດທະນະທຳນາມມະທຳຂອງມະນຸດຂອງອົງການສະຫະປະຊາຊາດ.
ຄຳເຫັນ
0