ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ພະຈິກແລ້ວນີ້,ທ່ານອັບດຸນ ມາເຮີດີ ນາຍົກລັດຖະມົນຕີອີຣັກໄດ້ຍື່ນໃບຂໍລາອອກຈາກຕຳແໜ່ງຕໍ່ລັດຖະສະພາຢ່າງເປັນທາງການ, ລັດຖະສະພາຈະ ຈັດກອງປະຊຸມໃນວັນທີ1ທັນວານີ້ເພື່ອພິຈາລະນາຕໍ່ເລື່ອງນີ້.
ຕອນເຊົ້າວັນທີ30ພະຈິກແລ້ວນີ້,ທ່ານອັບດຸນ ມາເຮີດີຮຽກໄຂກອງປະຊຸມສາມັນຂອງລັດຖະບານ,ເພື່ອປຶກສາຫາລືເລື່ອງທີ່ກ່ຽວຂ້ອງກັບທ່ານຍື່ນໃບຂໍລາອອກຈາກຕຳແໜ່ງຕໍ່ລັດຖະສະພາແລະໜ້າທີ່ຮັບຜິດຊອບຂອງລັດຖະບານຊົ່ວຄາວ. ທ່ານຮຽກຮ້ອງໃຫ້ສະມາຊິກລັດຖະບານສືບຕໍ່ເຮັດວຽກຈົນຮອດວັນສ້າງຕັ້ງລັດຖະບານຊຸດໃໝ່.
ວັນທີ 29 ພະຈິກແລ້ວນີ້,ທ່ານອັບດຸນເຄີຍກ່າວວ່າ, ທ່ານຈະຍື່ນໃບຂໍລາອອກຈາກຕຳແໜ່ງຕໍ່ລັດຖະສະພາ,ເພື່ອຕອບຄືນຕໍ່ຄວາມຮຽກຮ້ອງຂອງທ່ານອາລີ ອັນ ຊິສຕານີ ຜູ້ນຳສາສະໜາສູງສຸດຂອງຝ່າຍຊີອະອີຣັກແລະຄຳຮ້ອງຂໍຂອງຜູ້ປະທ້ວງ.
ເລີ່ມແຕ່ເດືອນຕຸລາເປັນຕົ້ນມາ, ຢູ່ຫຼາຍແຫ່ງຂອງອີຣັກໄດ້ເກີດການປະທ້ວງ, ເພື່ອປະທ້ວງລັດຖະບານທີ່ມີການສໍ້ລາດບັງຫຼວງ, ການບໍລິການບໍ່ມີປະສິດທິພາບ ແລະມີອັດຕາວ່າງງານສູງ.
ຄຳເຫັນ
0