ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້, ກະຊວງການຕ່າງປະເທດຫວຽດນາມເຜີຍໃຫ້ຮູ້ວ່າ, ສົບແລະອັດຖິຂອງຜູ້ປະສົບເຄາະຮ້າຍໃນຄະດີສັງຫານໂຫດລົດບັນທຸກອັງກິດໄດ້ສົ່ງຄືນຫວຽດນາມໝົດແລ້ວ, ແລະໄດ້ມອບໃຫ້ຄອບຄົວຜູ້ປະສົບເຄາະຮ້າຍ.
ຂ່າວສານຫວຽດນາມແຈ້ງຂ່າວວ່າ, ວັນທີ 27 ພະຈິກຜ່ານມາ, ສົບຂອງຜູ້ປະສົບເຄາະຮ້າຍ 16 ຄົນໄດ້ຂົນສົ່ງກັບນະຄອນຫຼວງຮ່າໂນ້ຍຂອງຫວຽດນາມດ້ວຍເຮືອບິນ, ສົບແລະອັດຖິຂອງຜູ້ປະສົບເຄາະຮ້າຍອີກ 23 ຄົນໄດ້ສົ່ງຄືນຫວຽດນາມໃນວັນທີ 30 ພະຈິກຜ່ານມາ. ເມື່ອສົບແລະອັດຖິຂອງຜູ້ປະສົບເຄາະຮ້າຍຂົນສົ່ງຮອດສະໜາມບິນສາກົນໂນ້ຍບາຍທີ່ເປັນແລ້ວ, ໄດ້ມອບໃຫ້ຜູ້ແທນອົງການປົກຄອງແຂວງທີ່ເປັນບ້ານເກີດຂອງຜູ້ປະສົບເຄາະຮ້າຍ, ແລ້ວໃຫ້ອົງການປົກຄອງແຂວງທີ່ກ່ຽວຂ້ອງສົ່ງຄືນທ້ອງຖິ່ນ, ແລ້ວມອບໃຫ້ຄອບຄົວຂອງຜູ້ປະສົບເຄາະຮ້າຍ.
ວັນທີ 23 ຕຸລາຜ່ານມາ, ຕຳຫຼວດອັງກິດໄດ້ຊອກພົບຊາກສົບ 39 ຂອນຢູ່ໃນລົດບັນທຸກຄັນໜຶ່ງໃນເຂດອຸດສາຫະກຳແຫ່ງໜຶ່ງທີ່ລັດເອເຊັກສ໌ພາກຕາເວັນອອກສຽງໃຕ້ຂອງເກາະອິງເກີແລນດ໌. ວັນທີ 7 ພະຈິກຜ່ານມາ, ກະຊວງປ້ອງກັນຄວາມສະຫງົບຫວຽດນາມໄດ້ອອກແຈ້ງການວ່າ, ຫວຽດນາມແລະອັງກິດໄດ້ຢືນຢັນແລ້ວວ່າ ຜູ້ປະສົບເຄາະຮ້າຍ 39 ຄົນລ້ວນແຕ່ແມ່ນປະຊາຊົນຫວຽດນາມ.
ຄຳເຫັນ
0