ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວົງການຕ່າງໆຂອງສັງຄົມຮົງກົງເຫັນວ່າ, ອາເມລິກາໄດ້ຜ່ານຮັບຮອງອັນທີ່ວ່າ “ຮ່າງກົດໝາຍສິດທິມະນຸດແລະປະຊາທິປະໄຕຮົງກົງ”, ແມ່ນເພື່ອສົ່ງເສີມກຳລັງຮຸນແຮງຢ່າງເປີດແປນ, ເຊິ່ງໄດ້ລ່ວງລະເມີດສິດທິມະນຸດຂອງພົນລະເມືອງເຂດຮົງກົງຢ່າງໜັກໜ່ວງ.
ທ່ານຫຼິນຫຼົງອານ, ປະທານສະມາຄົມການຄ້າຂາເຂົ້າແລະຂາອອກຈີນຂອງເຂດຮົງກົງເຫັນວ່າ, ອາເມລິກາຮັບຮອງ “ຮ່າງກົດໝາຍສິດທິມະນຸດແລະປະຊາທິປະໄຕຮົງກົງ”ແມ່ນເພື່ອຍົກເລີກເຂດພາສີເອກະລາດຂອງເຂດກົງກົງ, ທຳລາຍທ່າແຮງສູນການຄ້າໂລກ, ສູນກາງທາງດ້ານການເງິນຂອງໂລກແລະສູນກາງການເດີນເຮືອໂລ, ແຕ່ວ່າກໍໄດ້ທຳລາຍຜົນປະໂຫຍດຂອງບໍລິສັດອາເມລິກາຢູ່ເຂດຮົງກົງເຊັ່ນກັນ, ນີ້ແມ່ນການກະທຳທີ່ຍົກບາດຄ້ອນແລະທຸບຕີນຕົນເອງ, ທຳລາຍຄົນອື່ນທັງທຳລາຍຕົນເອງ.
ທ່ານຫຼີວຈ້າວຈ່ຽຍ, ສາສະດາຈານຂອງມະຫາວິທະຍາໄລພາສາຈີນຮົງກົງເຫັນວ່າ, ອາເມລິກາຮັບຮອງຮ່າງກົດໝາຍສະບັບນີ້, ເປັນການທ້າທາຍຢ່າງເປີດແປນຕໍ່ອະທິປະໄຕຂອງຈີນຢູ່ເຂດຮົງກົງ. ນັກການເມືອງຂອງອາເມລິກາຢາກສົ່ງເສີມແລະສະໜັບສະໜູນຜູ້ປະທ້ວງຂອງຮົງກົງເພື່ອເຮັດໃຫ້ຮົງກົງກາຍເປັນສິ່ງກີດຂວາງຈີນ, ນີ້ແມ່ນການຂົ່ມຂູ່ອັນຮຸນແຮງທີ່ສຸດເຖິງຄວາມໝັ້ນຄົງແຫ່ງຊາດຈີນ. ຈີນຈະຕອບຄືນໂຕ້ຢ່າງເຂັ້ມ, ການກະທຳດັ່ງກ່າວຂອງອາເມລິກາຈະຕ້ອງໄດ້ຮັບການຊົດໃຊ້ແທນຢ່າງແນ່ນອນ.
ຄຳເຫັນ
0