ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ທັນວານີ້ ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນໄດ້ເປັນປະທານຈັດກອງປະຊຸມຂ່າວ.
ທ່ານນາງຮວ້າຊຸນຢິງ ປະກາດວ່າ, ຫວ່າງມໍ່ໆມານີ້ ອາເມຣິກາບໍ່ເອົາຫົວຊານຳການຄັດຄ້ານຢ່າງເດັດດ່ຽວຂອງຈີນ ຊູຊີຜ່ານການຮັບຮອງຮ່າງກົດໝາຍວ່າດ້ວຍສິທິມະນຸດແລະປະຊາທິປະໄຕ ຮົງກົງ, ອັນເປັນການລະເມີດກົດໝາຍລະຫວ່າງຊາດແລະຫຼັກການພື້ນຖານໃນການພົວພັນສາກົນ, ໄດ້ແຊກແຊງວຽກງານພາຍໃນຂອງຈີນຢ່າງໜັກໜ່ວງ, ຈີນໄດ້ສະແດງຈຸດຢືນຂອງຕົນຢ່າງເດັດດ່ຽວໜຽວແໜ້ນ. ແນ່ໃສ່ການກະທຳທີ່ໄຮ້ເຫດຜົນຂອງອາເມລິກາ, ລັດຖະບານຈີນຕົກລົງນັບແຕ່ມື້ນີ້ເປັນຕົ້ນໄປ ຈະຂວ້ຳບາດອົງການຈັດຕັ້ງທີ່ບໍ່ສັງກັດລັດຖະບານຂອງອາເມຣິກາບາງອົງການທີ່ໄດ້ກະທຳຜິດຢ່າງໜັກໜ່ວງໃນການສ້າງຄວາມວຸ້ນວາຍຢູ່ຮົງກົງຄື: ມູນນິທິປະຊາທິປະໄຕແຫ່ງຊາດອາເມລິກາ, ສະມາຄົມປະຊາທິປະໄຕວຽກງານສາກົນອາເມລິກາ, ສະຖາບັນຄົ້ນຄວ້າສາກົນສາທາລະນະລັດຂອງອາເມຣິກາ, ອົງການຈັດຕັ້ງຜູ້ສັງເກດການສິດທິມະນຸດ, ບ້ານແຫ່ງເສລີພາບແລະອົງການອື່ນໆ. ນອກນີ້ຈີນຍັງຮຽກຮ້ອງໃຫ້ອາເມຣິກາຈົ່ງແກ້ໄຂຄວາມຜິດພາດຂອງຕົນ, ຢຸດຕິກິລິຍາວາຈາແລະການກະທຳທີ່ແຊກແຊງວຽກງານຮົງກົງແລະວຽກງານພາຍໃນຂອງຈີນ, ຈີນຈະໃຊ້ການກະທຳທີ່ຈຳເປັນຕື່ມອີກໂດຍອີງຕາມການແຜ່ຂະຫຍາຍຂອງສະຖານະການ, ເດັດດ່ຽວປົກປັກຮັກສາຄວາມໝັ້ນ ຄົງແລະສະຖຽນລະພາບຂອງຮົງກົງ, ເດັດດ່ຽວປົກປ້ອງອະທິປະໄຕ, ຄວາມໝັ້ນຄົງແລະຜົນປະໂຫຍດດ້ານການພັດທະນາຂອງຊາດຈີນ.
ເລື່ອງຈິງແລະຫຼັກຖານຈຳນວນຫຼວງຫຼາຍໄດ້ຢືນຢັນໃຫ້ເຫັນວ່າ ອົງການຈັດຕັ້ງທີ່ບໍ່ສັງກັດລັດຖະບານອາເມລິກາທີ່ກ່ຽວຂ້ອງໄດ້ສະໜັບສະໜູນພວກສ້າງຄວາມວຸ້ນວາຍໃຫ້ຮົງກົງດ້ວຍທຸກຮູບການ, ແລະປຸກປັ່ນໃຫ້ເຂົາເຈົ້າກໍ່ອາດຊະຍາກຳຮຸນແຮງແລະ ເຄື່ອນໄຫວແບ່ງແຍກຮົງກົງໃຫ້ເປັນເອກະລາດ,ສະນັ້ນ ຕ້ອງຮັບຜິດຊອບຕໍ່ທຸກສະພາບການຄວາມວຸ້ນວາຍທີ່ເກີດຂຶ້ນຢູ່ຮົງກົງໃນປັດຈຸບັນ ເຊິ່ງອົງການຈັດຕັ້ງເຫຼົ່ານີ້ຕ້ອງໄດ້ຖືກຂວ້ຳບາດ ແລະຕ້ອງໄດ້ຊົດໄຊ້ຕາມຈຳເປັນ.
ຄຳເຫັນ
0