ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ອີງຕາມມາດຕາທີ່ກ່ຽວຂ້ອງທີ່ລະບຸໄວ້ໃນ“ກົດໝາຍພື້ນຖານຂອງເຂດບໍລິຫານພິເສດມາກາວ ສາທາລະນະລັດປະຊາຊົນຈີນ”, ແລະອີງຕາມການສະເໜີຂອງທ່ານເຫີ້ອີເຊິງ ຜູ້ວ່າການເຂດບໍລິຫານພິເສດມາກາວຊຸດທີ 5 , ວັນທີ 1 ທັນວານີ້, ລັດຖະບານຈີນໄດ້ແຕ່ງຕັ້ງເຈົ້າໜ້າທີ່ຜູ້ສຳຄັນແລະປະທານອົງການໄອຍະການຂອງອົງການປົກຄອງເຂດບໍລິຫານພິເສດມາກາວຊຸດທີ 5 . ເຊິ່ງເຈົ້າໜ້າທີ່ຜູ້ສຳຄັນແລະປະທານອົງການໄອຍະການທີ່ໄດ້ຮັບການແຕ່ງຕັ້ງຈະເລີ່ມດຳລົງຕຳແໜ່ງແຕ່ວັນທີ 20 ທັນວາ 2019 ເປັນຕົ້ນໄປ.
ມື້ດຽວກັນ, ທ່ານຊຸ່ຍຊື້ອ່ານ ຜູ້ວ່າການເຂດບໍລິຫານພິເສດມາກາວຊຸດປະຈຸບັນໄດ້ສະແດງຄວາມຊົມເຊີຍຢ່າງສຸດໃຈຕໍ່ເຈົ້າໜ້າທີ່ຜູ້ສຳຄັນແລະປະທານອົງການໄອຍະການທີ່ໄດ້ຮັບການແຕ່ງຕັ້ງ, ອວຍພອນໃຫ້ບັນດາທ່ານຈົ່ງເສີມຂະຫຍາຍບົດບາດຂອງຕົນໃນວຽກງານຕໍ່ໄປ, ພາຍໃຕ້ການນຳພາຂອງທ່ານເຫີ້ອີເຊິງ, ຮັດແໜ້ນຄວາມສາມັກຄີລະຫວ່າງປະຊາຊົນອັນໄພສານໃຫ້ກ້າວໄປໜ້າພ້ອມກັນ, ມີການບຸກເບີກແລະປະດິດສ້າງ, ຮັບໃຊ້ປະເທດຊາດ, ຮັບໃຊ້ມາກາວ, ປະກອບສ່ວນອັນໃໝ່ເພື່ອເຮັດໃຫ້ພຶດຕິກຳທີ່ຍິ່ງໃຫຍ່ໃນຫຼັກການ“ປະເທດດຽວສອງລະບອບ”ຂອງເຂດບໍລິຫານພິເສດມາກາວໄດ້ຮັບການປະຕິບັດຢ່າງໜັກແໜ້ນແລະຍາວນານ.
ຄຳເຫັນ
0