ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ປະເທດດຽວ ສອງລະບອບ”ແມ່ນຫຼັກການທີ່ສຳຄັນຂອງພັກກອມມູນິດຈີນໃນການບັນລຸເປົ້າໝາຍໂຮມປະເທດຊາດເປັນເອກະພາບກັນໂດຍສັນຕິ, ແມ່ນການປະດິດສ້າງທາງທິດສະດີອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນ, ກົດໝາຍພື້ນຖານກໍ່ແມ່ນການປະຕິບັດກົດໝາຍຕາມແນວທາງ “ປະເທດດຽວ ສອງລະບົບ”. ເນື່ອງໃນໂອກາດມາກາວກັບຄືນສູ່ປະເທດຊາດຈີນຄົບຮອບ 20 ປີ ໄດ້ຈັດໃຫ້ມີງານສຳມະນາລະນຶກກົດໝາຍພື້ນຖານຂອງເຂດບໍລິຫານພິເສດມາກາວ ສປ ຈີນຄົບຮອບ 20 ປີຢູ່ທີ່ນະຄອນຫຼວງປັກກິ່ງຢ່າງຄຶກຄື້ນ ໂດຍການເປັນກຽດເຂົ້າຮ່ວມແລະປະກອບຄຳເຫັນທີ່ສຳຄັນຂອງທ່ານຫຼີ້ຈ້ານຊູ່ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານຄະນະກຳມາທິການປະຈຳສະພາປະຊາຊົນແຫ່ງຊາດຈີນ.
ໃນເວລາຫວນຄືນບົດຮຽນຂອງພຶດຕິກຳໃນການປະຕິບັດກົດໝາຍພື້ນຖານຢູ່ມາກາວ, ທ່ານຫຼີ້ຈ້ານຊູ່ໄດ້ກ່າວເປັນພິເສດວ່າ:
“ມີແຕ່ໃຫ້ທົ່ວສັງຄົມມີຄວາມຮັບຮູ້ຕໍ່ປະເທດຊາດທີ່ຖືກຕ້ອງຢ່າງກວ້າງຂວາງ, ຈິ່ງສາມາດຈັດຕັ້ງປະຕິບັດກົດໝາຍພື້ນຖານຢ່າງຮອບດ້ານແລະຖືກຕ້ອງໄດ້; ມີແຕ່ປົກປັກຮັກສາອະທິປະໄຕ, ຄວາມໝັ້ນຄົງ ແລະຜົນປະໂຫຍດໃນການພັດທະນາຂອງປະເທດຢ່າງແທ້ຈິງເທົ່ານັ້ນ ຈິ່ງຈະສາມາດຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງຍາວນານຂອງມາກາວໄດ້; ມີແຕ່ເອົາເຂດບໍລິຫານພິເສດມາກາວເຂົ້າໃນລະບົບຄຸ້ມຄອງບໍລິຫານຂອງທົ່ວປະເທດ, ເຊື່ອມໂຍງເຂົ້າກັບສະພາບການລວມແຫ່ງການພັດທະນາແຫ່ງຊາດແລ້ວ, ຈິ່ງຈະສາມາດເຮັດໃຫ້ມາກາວກ້າວເດີນໄປສູ່ອະນາຄົດທີ່ສວຍງາມໄດ້. ການຈັດຕັ້ງປະຕິບັດກົດໝາຍພື້ນຖານຂອງມາກາວຢ່າງສຳເລັດຜົນ ໄດ້ຢືນຢັນຢ່າງແຂງແຮງວ່າ “ປະເທດດຽວ ສອງລະບອບ" ແມ່ນ ແຜນການທີ່ດີທີ່ສຸດໃນການແກ້ໄຂບັນຫາມາກາວທີ່ຕົກທອດມາແຕ່ປະຫວັດສາດ ແລະກໍ່ແມ່ນລະບຽບການທີ່ດີທີ່ສຸດເພື່ອໃຫ້ມາກາວໄດ້ຮັກສາຄວາມຈະເລີນຮຸ່ງເຮືອງແລະຄວາມໝັ້ນຄັງຍາວນານຫຼັງຈາກໄດ້ກັບຄືນສູ່ປະເທດຊາດຈີນແລ້ວ, ແມ່ນເປັນລະບຽບການທີ່ໃຊ້ການໄດ້, ເຮັດໄດ້ດີ, ແລະຖືກໃຈຄົນ.
ວັນທີ 20 ທັນວາ 1999 ລັດຖະບານ ສປ ຈີນໄດ້ຟື້ນຟູອະທິປະໄຕຕໍ່ມາກາວຄືນໃໝ່, ເຊິ່ງເປັນການຟື້ນຟູອະທິປະໄຕອັນຄົບຖ້ວນທີ່ລວມທັງອຳນາດການປົກຄອງ, ລັດຖະບານສູນກາງທີ່ສ້າງຕັ້ງຂຶ້ນໂດຍອີງຕາມຂໍ້ກຳນົດຂອງລັດຖະທຳມະນູນນັ້ນ ໄດ້ຕາງໜ້າໃຫ້ປະຊາຊົນທົ່ວປະເທດຈີນປະຕິບັດອຳນາດການປົກຄອງຕໍ່ມາກາວຢ່າງຮອບດ້ານ. ທ່ານຫຼີ້ຈ້ານຊູ່ຊີ້ອອກວ່າ, ການທີ່ປົກປັກຮັກສາລັດຖະທຳມະນູນ ແລະລະບຽບການເຂດບໍລິຫານພິເສດມາກາວທີ່ກຳນົດໄວ້ໃນກົດໝາຍພື້ນຖານມາກາວນັ້ນ ສຳຄັນທີ່ສຸດແມ່ນຕ້ອງເອົາການປົກປ້ອງອຳນາດການປົກຄອງຮອບດ້ານຂອງສູນກາງປະສານສົມທົບກັບການຮັບປະກັນສິດການປົກຄອງຕົນເອງໃນລະດັບສູງໃຫ້ເປັນເອກະພາບກັນ.
ການປົກປ້ອງຄວາມໝັ້ນຄົງແຫ່ງຊາດ ແມ່ນພັນທະໜ້າທີ່ທີ່ກຳນົດໃຫ້ ເຂດບໍລິຫານພິເສດມາກາວ, ແມ່ນພັນທະດ້ານກົດໝາຍທີ່ລະບຸໄວ້ໃນກົດໝາຍພື້ນຖານມາກາວ, ທ່ານຫຼີ້ຈ້ານຊູ່ຊີ້ອອກວ່າ, ໃນພຶດຕິກຳແຫ່ງການປະຕິບັດຫຼັກການ “ປະເທດດຽວ ສອງລະບອບ” ການປົກປັກຮັກສາຄວາມໝັ້ນຄົງແຫ່ງຊາດຕ້ອງຍຶດຖື 3 ເສັ້ນເພດານຕ່ຳສຸດຄື: ເດັດຂາດບໍ່ອະນຸຍາດໃຫ້ມີການເຄື່ອນໄຫວໃດໆທີ່ທຳລາຍອະທິປະໄຕຄວາມໝັ້ນຄົງແຫ່ງຊາດ, ເດັດຂຮາດບໍ່ໃຫ້ມີພຶດຕິກຳທ້າທາຍຕໍ່ອິທິພົນຂອງອຳນາດສູນກາງແລະກົດໝາຍພື້ນຖານ, ແລະເດັດຂາດບໍ່ອະນຸຍາດໃຫ້ໃຊ້ເຂດບໍລິຫານພິເສດເພື່ອແຊກຊືມເຂົ້າແຜ່ນດິນໃຫຍ່ຈີນ.
ຄຳເຫັນ
0