ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 3 ທັນວານີ້ຢູ່ນະຄອນຫຼວງມະນີລາ, ສຳນັກງານໃຫຍ່ສະຖາບັນຂົງຈື້ຈີນ ແລະ ກະຊວງສຶກສາທິການຟີລິບປິນໄດ້ເຊັນ “ສັນຍາກ່ຽວກັບການຮ່ວມມືອົບຮົມຄູສອນພາສາຈີນທ້ອງຖິ່ນລະດັບປະລິຍາໂທການສຶກສາສ້າງຄູສອນພາສາຈີນ", ເພື່ອເພີ່ມທະວີກຳລັງຄູສອນພາສາຈີນລະດັບມັດທະຍົມໃຫ້ແກ່ໂຮງຮຽນລັດຢູ່ຟີລິບປິນ.
ໂດຍອີງຕາມສັນຍາດັ່ງກ່າວ, ພາຍໃນ 5 ປີຕໍ່ໜ້າ, ສອງຝ່າຍຈະຮ່ວມມືອົບຮົມສ້າງຄູສອນພາສາຈີນລະດັບປະລິນຍາໂທ 300 ຄົນໃຫ້ແກ່ໂຮງຮຽນລັດຂັ້ນມັດທະຍົມຂອງຟີລິບປີນ. ຄູສອນພາສາຈີນເຫຼົ່ານີ້ຈະຮັບການສຶກສາວິຊາພາສາຈີນລະດັບປະລິນຍາໂທເປັນເວລາ 2 ປີ.
ຕາມຂ່າວໃຫ້ຮູ້ວ່າ, ແຕ່ປີ 2011 ເປັນຕົ້ນມາ, ພາສາຈີນຖືກຈັດເຂົ້າເປັນຫຼັກສູດພາສາຕ່າງປະເທດທີ່ໃຫ້ເລືອກຮຽນໃນໂຮງຮຽນລັດຂັ້ນມັດທະຍົມຟີລິບປິນຢ່າງເປັນທາງການ, ເຊິ່ງເປັນຂີດໝາຍສະແດງໃຫ້ເຫັນວ່າ ວິຊາພາສາຈີນຖືກຈັດເຂົ້າໃນລະບົບການສຶກສາພື້ນຖານຂອງປະຊາຊົນຟີລິບປີນຢ່າງເປັນທາງການ. ປັດຈຸບັນ, ທົ່ວປະເທດຟີລິບປີນມີໂຮງຮຽນລັດຂັ້ນມັດທະຍົມ 93 ແຫ່ງໃນ 11 ເຂດແຄວ້ນໄດ້ເປີດສອນວິຊາພາສາຈີນ, ມີນັກຮຽນມັດທະຍົມເກືອບ 11.000 ຄົນໄດ້ຮຽນພາສາຈີນແລ້ວ.
ຄຳເຫັນ
0