ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວິທະຍຸສາກົນແຫ່ງປະເທດຈີນຫຼືCRI ໄດ້ອອກບົດວິເຄາະພາຍໃຕ້ຫົວຂໍ້ “ຮ່າງກົດໝາຍກ່ຽວກັບຮົງກົງທີ່ທຳລາຍຕົນເອງແລະຜູ້ອື່ນຈະຕ້ອງຖືກປະລາໄຊຢ່າງແນ່ນອນ”.
ບົດວິເຄາະຊີ້ວ່າ: ຫວ່າງມໍ່ໆມານີ້,ອາເມຣິກາບໍ່ໄດ້ເອົາຫົວຊານຳການຄັດຄ້ານຢ່າງຮຸນແຮງຈາກຈີນແລະລົງນາມໃນ “ຮ່າງກົດໝາຍວ່າດ້ວຍສິດທິມະນຸດແລະປະຊາທິປະໄຕຮົງກົງໃຫ້ມີຜົນສັກສິດ”. ການກະທຳດັ່ງກ່າວຂອງອາເມຣິກາໄດ້ເປັນການທຳລາຍຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ,ແລະກໍ່ເປັນການທຳລາຍຜົນປະໂຫຍດຂອງອາເມຣິກາແລະປະຊາຄົມໂລກເຊັ່ນດຽວກັນ. ດ້ວຍການຕັດສິນໃຈຢ່າງເດັດດ່ຽວໜຽວແໜ້ນຂອງລັດຖະບານແລະປະຊາຊົນຈີນໃນການປົກປ້ອງອະທິປະໄຕ,ຄວາມໝັ້ນຄົງແລະຜົນປະໂຫຍດດ້ານການພັດທະນາແຫ່ງຊາດ,ເຈດຕະນາຮ້າຍໃດໆຂອງອາເມຣິກາທີ່ຫວັງຢາກກໍ່ຄວາມວຸ້ນວາຍຢູ່ຮົງກົງແລະສະກັດກັ້ນການພັດທະນາຂອງຈີນຈະບໍ່ປະສົບຜົນສຳເລັດຢ່າງແນ່ນອນ.
ບົດວິເຄາະເນັ້ນໜັກວ່າ:ນັບແຕ່ລັດຖະບານອາເມຣິກາຊຸດປັດຈຸບັນເລີ່ມຂຶ້ນກຳອຳນາດເປັນຕົ້ນມາ,ນັກການເມືອງທີ່ເປັນປໍລະປັກກັບຈີນບາງຄົນໄດ້ໃຊ້ແນວຄິດສົງຄາມເຢັນແລະຕັກກະລັດທິເຈົ້າອຳນາດຕາມລຳພັງໃຈ,ປິດລ້ອມຈີນນັບມື້ນັບຮຸນແຮງ,ແຕ່ອາເມຣິກາຕີລາຄາຕ່ຳເກີນໄປຕໍ່ຄວາມຕັດສິນໃຈຢ່າງໜັກແໜ້ນຂອງປະຊາຊົນຈີນໃນການປົກປັກຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງຂອງຮົງກົງ,ຕີລາຄາຕ່ຳເກີນໄປຕໍ່ຄວາມສາມາດແລະວິທີຂອງປະຊາຊົນຈີນໃນການປົກປັກຮັກສາອະທິປະໄຕ,ຄວາມໝັ້ນຄົງແລະຜົນປະໂຫຍດດ້ານການພັດທະນາຂອງຊາດ.ຕໍ່ການກະທຳທີ່ໄຮ້ເຫດຜົນຂອງອາເມຣິກາ,ຈີນໄດ້ໃຊ້ມາດຕະການຕອບໂຕ້,ພ້ອມທັງຈະໃຊ້ການກະທຳທີ່ຈຳເປັນຕື່ມອີກໂດຍຂຶ້ນຢູ່ກັບສະຖານະການວ່າຈະພັດທະນາໄປຄືແນວໃດ. ຈີນເຕືອນໃຫ້ນັກການເມືອງບາງຄົນຂອງອາເມຣິກາຄວນຢຸດຕິກົນອຸບາຍດ້ານການເມືອງທີ່ເປັນການທຳລາຍທັງຕົນເອງແລະຜູ້ອື່ນ,ຢຸດຕິຄວາມເພີ້ຝັນທີ່ສະກັດກັ້ນການພັດທະນາຂອງຈີນໂດຍຜ່ານການແຊກແຊງຮົງກົງ.
ຄຳເຫັນ
0