ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ເນື່ອງໃນໂອກາດເຂດບໍລິຫານພິເສດມາກາວກັບຄືນສູ່ປະເທດຊາດຄົບຮອບ 20 ປີ, ທ່ານສຸຍເຊີອານ, ຜູ້ວ່າການເຂດບໍລິຫານພິເສດມາກາວກ່າວໃນເວລາໃຫ້ສຳພາດພິເສດຕໍ່ນັກຂ່າວວ່າ, ນັບແຕ່ເຂດມາກາວໄດ້ກັບຄືນສູ່ປະເທດຊາດເປັນເວລາ 20 ປີຜ່ານມານີ້, ເຂດມາກາວໄດ້ປະສົບຜົນສຳເລັດຢ່າງໃຫຍ່ຫຼວງ, ຍ້ອນໄດ້ປະຕິບັດໜ້າທີ່ວຽກງານໂດຍອີງຕາມລັດຖະທຳມະນູນ, ແລະກົດໝາຍພື້ນຖານຢ່າງເຂັ້ມງວດແລະໄດ້ຈັດຕັ້ງປະຕິບັດຕາມ, ຫຼັກການ“ປະເທດດຽວສອງລະບອບ”“ຊາວມາກາວປົກຄອງມາກາວ”, ແລະປົກຄອງດ້ວຍຕົນເອງໃນລະດັບສູງຢ່າງມີປະສິດທິຜົນ.
ທ່ານສຸຍເຊີອານກ່າວວ່າ, ຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງພິ່ນ້ອງຮ່ວມຊາດເຂດບໍລິຫານພິເສດມາກາວແມ່ນຍ້ອນວ່າ, “ປະເທດຊາດແມ່ນຜູ້ໜູນຫຼັງທີ່ເຂັ້ມແຂງທີ່ສຸດຂອງພວກເຮົາ, ຈະໃຫ້ການສະໜັບສະໜູນການພັດທະນາຂອງເຂດມາກາວ”.
ປີ 2018, ຍອດມູນຄ່າຜົນຜະລິດພາຍໃນຫຼື GDP ຂອງເຂດມາກາວໄດ້ບັນລຸ 55 ຕື້ 1 ຮ້ອຍລ້ານໂດລາ, GDP ສະເລ່ຍຕໍ່ຫົວຄົນບັນລຸເຖິງ 8 ໝື່ນໂດລາ.ປັດຈຸບັນນີ້, ອັດຕາຫວ່າງງານໂດຍລວມຢູ່ເຂດມາກາວມີພຽງແຕ່ 1，8%, ສາມາດຮັກສາໃຫ້ຢູ່ໃນລະດັບຕ່ຳມາຫຼາຍປີລຽນຕິດ. ທ່ານສຸຍເຊີອານກ່າວວ່າ, ໃນ 10 ປີຜ່ານມາທີ່ໄດ້ດຳລົງຕຳແໜ່ງເປັນຜູ້ວ່າການເຂດບໍລິຫານພິເສດ, ທ່ານໄດ້ຖືເອົາການພັດທະນາດ້ານເສດຖະກິດ, ການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນກວ່າເກົ່າເປັນແນວຄິດຊີ້ນຳນຳພາທີ່ສຳຄັນໃນວຽກງານຂອງອົງການປົກຄອງເຂດບໍລິຫານພິເສດ. ອົງການປົກຄອງບໍລິຫານພິເສດມາກາວຖືເອົາການສ້າງເປັນສູນພັກຜ່ອນຢວນໃຈເພື່ອການທ່ອງທ່ຽວໂລກ, ເວທີການບໍລິການຂອງການຮ່ວມມືດ້ານການຄ້າລະຫວ່າງຈີນກັບບັນດາປະເທດທີ່ໃຊ້ພາສາປອກຕຸຍການເປັນຫຼັກ, ອອກແຮງພັດະທະນາຂະແໜງການຈະເລີນໃໝ່ແລະເຮັດໃຫ້ຂະແໜງການຕົ້ນຕໍພັດທນາຢ່າງມີໝັ້ນທ່ຽງ, ຕັ້ງໜ້າເຂົ້າຮ່ວມແລະປະກອບສ່ວນເຂົ້າໃນການສ້າງສາ “ໜຶ່ງແລວໜຶ່ງເສັ້ນທາງ”, ຊຸກຍູ້ການສ້າງສາຂອງເຂດອ່າວໃຫຍ່ກວາງຕຸ້ງຮົງກົງແລະມາກາວໃຫ້ບັນລຸຜົນຈິງ.
ຄຳເຫັນ
0