ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 5 ທັນວານີ້, ບໍລິສັດຫົວເວີຍເຜີຍໃຫ້ຮູ້ວ່າ: ມື້ດຽວກັນ, ໄດ້ຍື່ນຄຳຮ້ອງຟ້ອງຕໍ່ສານອາເມຣິກາ, ຮຽກຮ້ອງໃຫ້ສານຕັດສິນວ່າ ຂໍ້ຕົກລົງຂອງຄະນະກຳມະການການສື່ສານສະຫະລັດອາເມຣິກາຫຼື FCC ກ່ຽວກັບການຫ້າມບໍ່ໃຫ້ບໍລິສັດຫົວເວີຍເຂົ້າຮ່ວມການນຳໃຊ້ເງິນອຸດໜູນສະຫະລັດນັ້ນ ໄດ້ລະເມີດລັດຖະທຳມະນູນອາເມຣິກາແລະກົດໝາຍວ່າດ້ວຍລະບຽບການບໍລິຫານ.
ວັນທີ 22 ພະຈິກແລ້ວນີ້, FCC ໄດ້ຮັບຮອງຂໍ້ຕົກລົງສະບັບໜຶ່ງ ໂດຍໄດ້ກຳນົດບໍລິສັດຫົວເວີຍກາຍເປັນການຂົ່ມຂູ່ຕໍ່ຄວາມໝັ້ນຄົງແຫ່ງຊາດອາເມຣິກາ, ແລະຫ້າມບໍ່ໃຫ້ນັກທຸລະກິດການສື່ສານຢູ່ເຂດຊົນນະບົດອາເມຣິການຳໃຊ້ເງິນອຸດໜູນຂອງກອງທຶນບໍລິການທົ່ວໄປຫຼື USF ຊື້ອຸປະກອນຂອງຫົວເວີຍ.
ໃນຄຳຮ້ອງຟ້ອງນັ້ນ, ບໍລິສັດຫົວເວີຍເຫັນວ່າ: FCC ໄດ້ກຳນົດຫົວເວີຍກາຍເປັນໄພຂົ່ມຂູ່ຕໍ່ຄວາມໝັ້ນຄົງແຫ່ງຊາດໂດຍກົງ, ບໍ່ໄດ້ໃຫ້ໂອກາດແກ່ຫົວເວີຍໃນການແກ້ຂໍ້ກ່າວຫາທີ່ກ່ຽວຂ້ອງ ເຊິ່ງຜິດຕໍ່ຫຼັກການທີ່ປະຕິບັດຕາມລະບຽບການທີ່ຖືກຕ້ອງຕາມກົດໝາຍ. ພ້ອມກັນນັ້ນ, ບໍລິສັດຫົວເວີຍເຫັນວ່າ: FCC ບໍ່ໄດ້ສະໜອງຫຼັກຖານອ້າງອີງຫຼືຂໍ້ກ່າວຫາທີ່ສົມເຫດສົມຜົນໃດໆເພື່ອສະໜັບສະໜູນຂໍ້ກຳນົດທີ່ເຮັດຂຶ້ນຕາມລຳພັງໃຈຂອງເຂົາເຈົ້າ ເຊິ່ງໄດ້ລະເມີດກົດໝາຍສະບັບຕ່າງໆຂອງອາເມຣິກາ ເຊັ່ນ: ລັດຖະທຳມະນູນອາເມຣິກາ, ກົດໝາຍວ່າດ້ວຍລະບຽບການບໍລິຫານ ແລະອື່ນໆ.
ຄຳເຫັນ
0