ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ຕອນເຊົ້າວັນທີ 6 ທັນວາ ທ່ານຫານເຈິ້ງ ກຳມະການປະຈຳກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົມນຕີຈີນໄດ້ພົບປະກັບຄະນະອົງການປົກຄອງຊຸດໃໝ່ຂອງເຂດບໍລິຫານພິເສດທີ່ນຳໂດຍທ່ານເຮີ້ອີເສິງ ເຈົ້າໜ້າທີ່ບໍລິຫານງານເຂດພິເສດມາກາວທີ່ຄອຍຖ້າຂຶ້ນຮັບຕຳແໜ່ງນັ້ນ ຢູ່ທີ່ຫໍສະພາປະຊາຊົນແຫ່ງຊາດຈີນ.
ທ່ານຫານເຈິ້ງຊີ້ອອກວ່າ, ຕະຫຼອດໄລຍະ 20 ປີນັບແຕ່ກັບຄືນສູ່ປະເທດຊາດ, ວຽກງານທຸກດ້ານຂອງມາກາວໄດ້ຮັບຜົນສຳເລັດຢ່າງຮຸງເຮືອງ, ອັນໄດ້ສະແດງໃຫ້ເຫັນພຶດຕິກຳທີ່ສຳເລັດຜົນຂອງຫຼັກການ ປະເທດດຽວສອງລະບອບທີ່ມີສີສັນພິເສດຂອງມາກາວ. ທ່ານຫວັງວ່າ ພາຍໃຕ້ການນຳພາຂອງທ່ານເຮີ້ອີເສີງ ອົງການປົກຄອງຊຸດໃໝ່ຂອງມາກາວຈະຈັດຕັ້ງປະຕິບັດຕາມທິດທາງ ປະເທດດຽວ ສອງລະບອບ ຢ່າງຮອບດ້ານແລະຖືກຕ້ອງ, ເຮັດວຽກໂດຍອີງຕາມລັດຖະທຳມະນູນແລະກົດໝາຍພື້ນຖານມາກາວຢ່າງເຂັ້ມງວດ, ມີຄວາມຈົງຮັກພັກດີຕໍ່ປະເທດຊາດ, ມີຄວາມກ້າຫານໃນການຮັບຜິດຊອບໜ້າທີ່, ເຮັດວຽກເພື່ອປະຊາຊົນ, ປອດໄສໄຮ້ມົນທິນ, ແລະຍົກຄວາມສາມາດແລະລະດັບໃນການດຳເນີນການປົກຄອງໃຫ້ສູງຂຶ້ນຕື່ມອີກ, ພະຍາຍາມແກ້ໄຂບັນຫາສຳຄັນທີ່ອາດຈະກະທົບເຖິງການພັດທະນາໃນໄລຍະຍາວໄກຂອງມາກາວ, ຮ່ວມກັນບາກບັ່ນສູ້ຊົນເພື່ອສ້າງມາກາວໃຫ້ມີຄວາມຈະເລີນຮຸ່ງເຮືອງ ຄວາມໝັ້ນຄົງແລະປະຊາຊົນມີຊີວິດອັນຜາສຸກ, ແບະສືບຕໍ່ຊຸກຍູ້ພຶດຕິກຳອັນສຳເລັດຜົນຂອງຫຼັກການ ປະເທດດຽວສອງລະບອບຢູ່ມາກາວ.
ຄຳເຫັນ
0