ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ທັນວານີ້, ພິທີເລີ່ມການສ້າງຫ້ອງທົດລອງສຳຄັນແຫ່ງຊາດທີ່ຜະລິດສຽງ ແລະ ວິດີໂອທີ່ມີຄວາມລະອຽດສູງພິເສດທີ່ຮັບຜິດຊອບໂດຍສະຖານີວິທະຍຸໂທລະພາບສູນກາງຈີນໄດ້ຈັດຂຶ້ນຢູ່ບໍລິສັດສື່ສາກົນຊຽງໄຮ້. ນີ້ແມ່ນຫ້ອງທົດລອງສຳຄັນແຫ່ງຊາດທີ່ຜະລິດສຽງ ແລະ ວິດີໂອທີ່ມີຄວາມລະອຽດສູງພິເສດຫ້ອງທຳອິດຂອງຈີນ.
ທ່ານເຊີ້ໄຮຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນ, ທ່ານຢິ້ງຢົງ ຮອງເລຂາຄະນະພັກ ທັງເປັນເຈົ້າຄອງກຳແພງນະຄອນຊຽງໄຮ້ ພ້ອມດ້ວຍທ່ານອື່ນໆໄດ້ເຂົ້າຮ່ວມພິທີດັ່ງກ່າວ.
ທ່າຍເຊີ້ນໄຮຊົງໄດ້ກ່າວໃນເວລາປະກອບຄຳເຫັນວ່າ: ການເລີ່ມການສ້າງຫ້ອງທົດລອງສຳຄັນແຫ່ງຊາດທີ່ຜະລິດສຽງ ແລະ ວິດີໂອທີ່ມີຄວາມລະອຽດສູງພິເສດ ແມ່ນວິທີສຳຄັນທີ່ສະຖານີວິທະຍຸໂທລະພາບສູນກາງຈີນຈັດຕັ້ງປະຕິບັດຄຳຊີ້ແຈງສຳຄັນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນກ່ຽວກັບການພັດທະນາສື່ແບບເຊື່ອມໂຍງເຂົ້າກັນ, ຊຸກຍູ້ຍຸດທະສາດການພັດທະນາລະບົບ 5G+4K ແລະ 8K+AI, ສຸມກຳລັງສ້າງສື່ສຳຄັນແບບໃໝ່ ແລະເປັນອັນດັບໜຶ່ງໃນສາກົນທີ່ມີກຳລັງນຳພາ, ກຳລັງການເຜີຍແຜ່ ແລະອິດທິພົນທີ່ເຂັ້ມແຂງ. ຫ້ອງທົດລອງດັ່ງກ່າວຈະອີງໃສສະພາບແວດລ້ອມຊຽງໄຮ້ທີ່ມີການປະດິດສ້າງໃໝ່ດ້ານເຕັກໂນໂລຊີທີ່ດີເດັ່ນ ແລະຊັບພະຍາກອນການສຶກສາແລະການຄົ້ນຄວ້າວິທະຍາສາດທີ່ເປັນລະດັບໜຶ່ງ, ນຳໃຊ້ຜົນສຳເລັດດ້ານສື່ມວນຊົນ, ການສື່ສານ ແລະການປະຕິວັດດ້ານເຕັກນິກຂໍ້ມູນຂ່າວສານຢ່າງເຕັມສ່ວນ ເພື່ອສ້າງເປັນຫ້ອງທົດລອງໂຕແບບທີ່ມີບົດບາດຊີ້ນຳໃນການຄົ້ນຄວ້າແລະນຳໃຊ້ເຕັກນິກການເຊື່ອມໂຍງສື່ມວນຊົນໃນການຜະລິດສຽງແລະວິດີໂອ.
ຄຳເຫັນ
0