ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ການລາຍງານຂ່າວຂອງໜັງສືພິມນິວຢອກແທມສ໌ກ່ຽວກັບນັກໂທດໃນ ຄຸກກວານຕານາໂມຖືກເຈົ້າໜ້າທີ່ອົງການສືບຂ່າວລັບອາເມຣິກາ ຫຼື CIA ທໍລະມານ, ທ່ານນາງຮ້ວາຊຸ່ນຢິງ ໂຄສົກກະຊວງການຕ່າງປະເທດຈີນໄດ້ກ່າວໃນເວລາຕອບຄຳຖາມຂອງນັກຂ່າວໃນວັນທີ 6 ທັນວານີ້ວ່າ: ເຫດການໃນບົດລາຍງານຂ່າວດັ່ງກ່າວເຮັດໃຫ້ຊາວໂລກໄດ້ເຫັນທາດແທ້ທີ່ຈອມປອມ ແລະ ຄວາມຂີ້ຮ້າຍຂອງອາເມຣິກາໃນບັນຫາສິດທິມະນຸດຢ່າງຈະແຈ້ງຕື່ມອີກ.
ວັນທີ 5 ທັນວານີ້, ໜັງສືພິມນິວຢອກແທມສ໌ໄດ້ເປີດເຜີຍຮູບແຕ້ມຂອງນັກໂທດຜູ້ໜຶ່ງທີ່ຢູ່ຄຸກວານຕານາໂມ ເຊິ່ງໄດ້ສະແດງໃຫ້ເຫັນເຖິງລາຍລະອຽດທີ່ລາວຖືກອົງການ CIA ອາເມຣິກາທໍລະມານ ແລະ ການລົງໂທດຢ່າງທາລຸນໃນຍາມຖືກກັກຢູ່ໃນຄຸກ. ກ່ຽວກັບເລື່ອງນີ້, ທ່ານນາງຮ້ວາຊຸ່ນຢິງກ່າວວ່າ: “ບົດລາຍງານຂ່າວນີ້ມາຖືກຍາມຖືກເວລາພໍດີ, ສະພາບການທີ່ຂຽນໃນຂ່າວດັ່ງກ່າວຕ່າງກັບດການຫຼອກລວງຕໍ່ບັນຫາກ່ຽວພັນເຖິງເຂດຊິ່ງຈ່ຽງຈີນຂອງສະມາຊິກສະພາ ແລະນັກການເມືອງອາເມຣິກາທີ່ເວົ້າໃນສອງມື້ມານີ້ ເຊິ່ງເປັນການປຽບທຽບໃຫ້ເຫັນຢ່າງຈະແຈ້ງແລະການສຽດສີຢ່າງຮຸນແຮງ, ເຮັດໃຫ້ຊາວໂລກໄດ້ເຫັນທາດແທ້ທີ່ຈອມປອມແລະຄວາມຂີ້ຮ້າຍຂອງອາເມຣິກາໃນບັນຫາສິດທິມະນຸດຢ່າງຈະແຈ້ງຕື່ມອີກ. ຕໍ່ກັບເລື່ອງນີ້, ບໍ່ຮູ້ວ່າລັດຖະສະພາອາເມຣິກາຈະມີການກະທຳແນວໃດໃນຕໍ່ໜ້າ?”
ຄຳເຫັນ
0