ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ທັນວານີ້, ໃນກອງປະຊຸມເວທີປຶກສາຫາລືສຸດຍອດວ່າດ້ວຍການພັດທະນາສື່ 5G+4K/8K+AI ທີ່ຈັດຂຶ້ນຢູ່ນະຄອນຊຽງໄຮຈີນນັ້ນ, ທ່ານເຊີ້ນໄຫຊົງ ຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນກ່າວວ່າ, ຕ້ອງຊຸກຍູ້ການເຊື່ອມໂຍງສື່ທຸກຊະນິດໃຫ້ກ້າວສູ່ລວງເລິກ ແລະ ກວ້າງຂວາງກວ່າເກົ່າ, ບັນລຸການພັດທະນາແບບກ້າວກະໂດດ. “ສະຖານີວິທະຍຸໂທລະພາບສູນກາງຈີນບໍ່ພຽງແຕ່ເປັນອົງການອອກອາກາດວິທະຍຸໂທລະພາບເທົ່ານັ້ນ, ພວມກາຍເປັນອົງການສື່ໃໝ່ທີ່ຜະລິດ ແລະ ເຜີຍແຜ່ຜົນງານທາງສຽງ ແລະ ວີດີໂອລະດັບສຸດຍອດໃນສາກົນ.”
ໃນເວລາປະກອບຄຳເຫັນ, ທ່ານເຊີ້ນໄຫຊົງກ່າວວ່າ, ສະຖານີວິທະຍຸໂທລະພາບສູນກາງຈີນຕັ້ງໜ້າປັບຕົວເພື່ອສອດຄ່ອງກັບທ່າອ່ຽງການພັດທະນາຂອງວິທະຍາສາດເຕັກໂນໂລຊີໃນປະຈຸບັນ ແລະ ການປ່ຽນແປງຂອງສະພາບແວດລ້ອມຫາງສຽງ, ເລັ່ງລັດສ້າງໂຄງປະກອບການເຜີຍແຜ່ຂໍ້ມູນຂ່າວສານແບບເຊື່ອມໂຍງເຂົ້າກັນທີ່ສື່ໃໝ່ ແລະ ສື່ເກົ່າພັດທະນາຢ່າງເປັນເອກະພາບກັນ. ຄົ້ນຄວ້າການນຳໃຊ້ເຕັກໂນໂລຊີໃໝ່ໃນການໂຄສະນາຫົວຂໍ້ທີ່ສຳຄັນ ແລະ ການປະດິດຄິດແຕ່ງລາຍການດີເດັ່ນ, ພະຍາຍາມສູ້ຊົນກ້າວສູ່ແຖວໜ້າໃນການເຜີຍແຜ່ໂຄສະນາດ້ວຍພະຫຸສື່ ແລະ ຫຼາຍຮູບການ, ຍາດເອົາຄວາມຄືບໜ້າໃໝ່ໃນການນຳໃຊ້ວິທະຍາສາດເຕັກໂນໂລຊີໃໝ່, ບຸກບືນສ້າງສື່ສຳຄັນແບບໃໝ່ລະດັບສຸດຍອດໃນສາກົນທີ່ມີກຳລັງນຳພາ, ກຳລັງເຜີຍແຜ່ ແລະ ອິດທິພົນທີ່ເຂັ້ມແຂງ.
ຄຳເຫັນ
0