ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 19 ທັນວານີ້, ໃນໂອກາດສຳຫຼວດຢູ່ໂຮງຮຽນຢິ່ງສາຍ ທີ່ຂຶ້ນກັບໂຮງຮຽນມັດທະຍົມຫາວຈ່ຽງຂອງມາກາວ, ທ່ານສີຈິ້ນຜິງ ກ່າວວ່າ, ການສຶກສາກ່ຽວກັບລັດທິຮັກຊາດເປັນເລື່ອງທີ່ສຳຄັນທີ່ສຸດ. ເຊື່ອວ່າຊາວໜຸ່ມມາກາວຈະກາຍເປັນຄົນລຸ້ນໜຶ່ງທີ່ມີຄວາມຮູ້ຄວາມສາມາດ, ແລະຈະເຮັດໃຫ້ປະເທດຊາດຮູ້ສຶກພາກພູນໃຈນຳ, ກາຍເປັນເສົາຄ້ຳຂອງມາກາວກໍຄືປະເທດຊາດ.
ທ່ານສີຈິ້ນຜິງ ກ່າວວ່າ, ລັດທິຮັກຊາດໄດ້ສ້າງພື້ນຖານການເມືອງຢູ່ສັງຄົມມາກາວຢ່າງໜັກແໜ້ນເພື່ອຈັດຕັ້ງປະຕິບັດແນວທາງ “ປະເທດດຽວ ສອງລະບອບ”, ເຮັດໃຫ້ການປະຕິບັດ “ປະເທດດຽວສອງລະບອບ” ໄປຕາມທິດທາງຖືກຕ້ອງຢ່າງສະເໝີຕົ້ນສະເໝີປາຍ. ຜົນງານທີ່ມາກາວໄດ້ຮັບແຕ່ກັບຄືນສູ່ປະເທດຊາດຕະຫຼອດໄລຍະ 20ປີນັ້ນ ເຮັດໃຫ້ພີ່ນ້ອງ ຮ່ວມຊາດມາກາວມີຄວາມເຂົ້າໃຈເປັນຢ່າງດີວ່າ ພື້ນຖານຂອງທິດທາງ “ປະເທດດຽວສອງລະບອບ” ແມ່ນ “ປະເທດດຽວ”, ແລະຍິ່ງມີຄວາມທະນຸຖະໜອມຕໍ່ສະພາບການທີ່ດີງາມໃນປັດຈຸບັນ, ມີຄວາມຕັດສິນໃຈເພີ່ມຂຶ້ນໃນການສ້າງອະນາຄົດອັນດີງາມ. ຫວັງວ່າພາກສ່ວນການສຶກສາແລະໂຮງຮຽນຕ່າງໆຂອງເຂດບໍລິຫານພິເສດມາກາວ ຈົ່ງທຳຄວາມພະຍາຍາມຕື່ມອີກ, ເຮັດວຽກການສຶກສາກ່ຽວກັບລັດທິຮັກຊາດໃຫ້ດີກວ່າເກົ່າ.
ຄຳເຫັນ
0