ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ຕຳຫຼວດມາເລເຊຍໄດ້ຈັດກອງປະຊຸມຖະແຫຼງຂ່າວໃນວັນທີ 6 ມັງກອນນີ້ໂດຍໄດ້ປະກາດວ່າ: ປີ 2019 ຜ່ານມາ, ພາກສ່ວນຕໍ່ຕ້ານຢາເສບຕິດຂອງປະເທດຕົນໄດ້ຍຶດຢາເສບຕິດໄດ້ທັງໝົດ 20 ໂຕນ, ເຊິ່ງມີມູນຄ່າຫຼາຍກວ່າ 2,7 ຕື້ຣິງກິດ (ຫຼືປະມານ 660 ລ້ານໂດລາສະຫະລັດ).
ກະຊວງພາຍໃນມາເລເຊຍໄດ້ເປີດເຜີຍຕົວເລກຂໍ້ມູນໃນເດືອນກຸມພາປີ 2019 ໂດຍສະແດງໃຫ້ເຫັນວ່າ: ປີ 2018, ມາເລເຊຍໄດ້ຍຶດຢາເສບຕິດທີ່ມີມູນຄ່າ 516 ລ້ານຣິງກິດ; ປີ 2017 ຍຶດຢາເສບຕິດໄດ້ໃນມູນຄ່າ 292 ລ້ານຣິງກິດ.
ໃນເດືອນສິງຫາແລະເດືອນກັນຍາປີ 2019,ມາເລເຊຍໄດ້ມ້າງຄະດີຢາເສບຕິດສອງລາຍລຽນຕິດເຊິ່ງໄດ້ສ້າງສະຖິຕິໃໝ່, ຍຶດໄດ້ຢາເສບຕິດຫຼາຍກວ່າ 15 ໂຕນ ເຊິ່ງຖືວ່າເປັນສາເຫດຕົ້ນຕໍທີ່ພາໃຫ້ມູນຄ່າໃນຄະດີຍຶດຢາເສບຕິດຂອງປະເທດດັ່ງກ່າວໃນປີ 2019 ເພີ່ມຂຶ້ນຢ່າງຫຼວງຫຼາຍ.
ເຈົ້າໜ້າທີ່ຕຳຫຼວດທີ່ກ່ຽວຂ້ອງກ່າວວ່າ:ໂດຍຜະເຊີນໜ້າກັບການກວດຈັບທີ່ເຄັ່ງຄັດຂອງຕຳຫຼວດ,ຜູ້ຄ້າຂາຍຢາເສບຕິດກໍ່ໄດ້ໃຊ້ວິທີໃໝ່ໃນການຂົນສົ່ງຢາເສບຕິດ,ຕົວຢ່າງການຂົນສົ່ງຢາເສບຕິດໂດຍຜ່ານທາງໄປສະນີແລະອື່ນໆ. ຕໍ່ເລື່ອງນີ້,ເຈົ້າໜ້າທີ່ຕຳຫຼວດມາເລເຊຍຈຶ່ງໄດ້ໃຊ້ມາດຕະການໃໝ່ທີ່ກ່ຽວຂ້ອງ,ເພື່ອຕັດຊ່ອງທາງການຂົນສົ່ງຢາເສບຕິດຮູບແບບໃໝ່.
ຄຳເຫັນ
0