ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, ທ່ານຈັສຕິນ ຕຣຸໂດ ນາຍົກລັດຖະມົນຕີການາດາໄດ້ລົມກັບ ທ່ານຮາຊັນ ຣູຮານີ ປະທານາທິບໍດີອີຣານຜ່ານທາງໂທລະກັບ, ໂດຍຮຽກຮ້ອງຝ່າຍອີຣານສືບສວນເຫດການທີ່ຂີປະນາວຸດນຳວິຖີຂອງອີຣານຍິງຕົກເຮືອບິນໂດຍສານອູແກຣນໂດຍບໍ່ເຈດຕະນາຢ່າງເຖິງຖອງ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 11 ມັງກອນນີ້, ທ່ານຕຣຸໂດກ່າວວ່າ, ອີຣານຮັບຮອງວ່າຂີປະນາວຸດນຳວິຖີຂອງອີຣານຍິງຕົກເຮືອບິນໂດຍສານອູແກຣນໂດຍບໍ່ເຈດຕະນາແມ່ນບາດກາວອັນສຳຄັນທີ່ສຸດຕໍ່ຄອບຄົວຂອງຜູ້ປະສົບເຄາະຮ້າຍ, ແຕ່ຍັງມີວຽກຫຼາຍຕ້ອງເຮັດ. ທ່ານຕຣຸໂດກ່າວຕື່ມວ່າ, ຕ້ອງດຳເນີນການສືບສວນຢ່າງຮອບດ້ານແລະເຖິງຖອງ, ເພື່ອ “ຮູ້ແຈ້ງວ່າເຫດການທີ່ເສົ້າສະຫຼົດໃຈເທື່ອນີ້ເກີດຂຶ້ນແນວໃດ”. ທ່ານຣູຮານີໄດ້ໃຫ້ຄຳໝັ້ນສັນຍາວ່າຈະສືບສວນເຫດການນີ້ຕື່ມອີກ.
ຄຳເຫັນ
0