ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, ຂ່າວສານທາງການ ສປປ ເກົາຫຼີໄດ້ນຳເອົາຄຳປາໄສຂອງທ່ານກິມເກກວນ ທີ່ປຶກສາກະຊວງການຕ່າງປະເທດ ສປປ ເກົາຫຼີມາລາຍງານວ່າ, ເວັ້ນແຕ່ອາເມຣິກາເຫັນດີຕໍ່ຄວາມຮຽກຮ້ອງທັງໝົດທີ່ ສປປ ເກົາຫຼີສະເໜີອອກມາ, ຖ້າບໍ່ດັ່ງນັ້ນ, ສປປ ເກົາຫຼີຈະບໍ່ເຂົ້າຮ່ວມການເຈລະຈາ ສປປ ເກົາຫຼີ ແລະ ອາເມຣິກາອີກ.
ຂະນະດຽວກັນ, ທ່ານກິມເກກວນກ່າວຕື່ມວ່າ, ແຕ່ພວກເຮົາຮູ້ວ່າ, ອາເມຣິກາຈະບໍ່ເຮັດແນວນີ້ ແລະ ບໍ່ມີຄວາມສາມາດເຮັດຄືແນວນີ້.
ທ່ານກິມເກກວນຍົກເອົາການເຈລະຈາ ສປປ ເກົາຫຼີ ແລະ ອາເມຣິກາໃນເດືອນກຸມພາປີຜ່ານມາມາກ່າວວ່າ: ສປປ ເກົາຫຼີຈະບໍ່ເຂົ້າຮ່ວມການເຈລະຈາທີ່ຮັບເອົາຄວາມກົດດັນແຕ່ຝ່າຍດຽວແບບນີ້ອີກ, ສປປ ເກົາຫຼີບໍ່ຍອມຈະດຳເນີນການແລກປ່ຽນຄືພໍ່ຄ້າແລກປ່ຽສິນຄ້າໃນການເຈລະຈາອີກ.
ນັບແຕ່ການພົບປະກັນທີ່ນະຄອນຫຼວງຮ່າໂນ້ຍລະຫວ່າງຜູ້ນຳສອງປະເທດ ສປປ ເກົາຫຼີ ແລະ ອາເມຣິກາໃນເດືອນກຸມພາປີຜ່ານມາເປັນຕົ້ນມາ, ການພົວພັນລະຫວ່າງ ສປປ ເກົາຫຼີ ແລະ ອາເມຣິກາ ແລະ ສະຖານະການແຫຼມເກົາຫຼີບໍ່ໄດ້ບັນລຸການບຸກທະລຸທາດແທ້. ເພື່ອຊຸກຍູ້ໃຫ້ຟື້ນຟູການເຈລະຈາ, ສປປ ເກົາຫຼີກ່າວຫຼາຍຄັ້ງວ່າ, ທ້າຍປີ 2019 ເປັນ “ວັນເວລາສຸດທ້າຍ” ທີ່ໃຫ້ອາເມຣິກາສະເໜີແຜນການໃໝ່ກ່ຽວກັບການເຈລະຈາອອກມາ.
ຄຳເຫັນ
0