ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມັງກອນນີ້, “ກອງທັບປົດປ່ອຍຊາດ” ເຊິ່ງເປັນກຳລັງປະກອບອາວຸດຂອງລີບີປະກາດວ່າ, ທະແນມແຕ່ກອງທັບລັດຖະບານຊົນຊາດສາມັກຄີລີບີ ເຄົາລົບສັນຍາຢຸດຍິງ, ກອງທັບຕົນກໍ່ຈະຢຸດເຊົາການເຄື່ອນໄຫວການທະຫານຢູ່ພາກຕາເວັນຕົກລີບີ ນັບແຕ່ສູນໂມງວັນທີ 12 ມັງກອນນີ້ເປັນຕົ້ນໄປ.
ໃນຖະແຫຼງການຂອງຕົນ, “ກອງທັບປົດປ່ອຍຊາດ” ກ່າວວ່າ, ທະແນມແຕ່ຝ່າຍກົງກັນຂ້າມເຄົາລົບສັນຍາຢຸດຍິງ, ກອງທະຫານຕົນກໍ່ຈະຢຸດຍິງ, ແຕ່ຖ້າຝ່າຍກົງກັນຂ້າມຝ່າຝືນສັນຍາຢຸດຍິງ, ຈະພາໃຫ້ເກີດມີຜົນຮ້າຍຢ້ອນຫຼັງອັນໜັກໜ່ວງ.
ວັນທີ 8 ມັງກອນນີ້, ທ່ານຣິເຊັບ ທາຢິບ ເອໂດກັນ, ປະທານາທິບໍດີຕວກກີກັບທ່ານວາລາດີເມຍ ປູຕີນ ປະທານາທິບໍດີຣັດເຊຍໄດ້ພົບປະກັນຢູ່ອິສຕັນບຸນ ແລະອອກຖະແຫຼງການຮ່ວມ, ໂດຍຮຽກຮ້ອງໃຫ້ສອງຝ່າຍທີ່ປະທະກັນຢູ່ລີບີ ຢຸດເຊົາການເຄື່ອນໄຫວທີ່ເປັນປໍລະປັກກັນທຸກຢ່າງ ແຕ່ 0 ໂມງວັນທີ 12 ເປັນຕົ້ນໄປ.
ນັບແຕ່ເດືອນເມສາປີ 2019 ເປັນຕົ້ນມາ, “ກອງທັບປົດປ່ອຍຊາດ” ລີບີ ເລີ່ມປະຕິບັດການເຄື່ອນໄຫວທາງການທະຫານຕໍ່ຕຼີໂປລີ, ແລະສູ້ຮົບກັບກອງທັບລັດຖະບານຊົນຊາດສາມັກຄີລີບີທີ່ຄວບຄຸມຕຼີໂປລີ.
ຄຳເຫັນ
0