ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ມັງກອນນີ້ຕາມເວລາທ້ອງຖິ່ນ, ຢູ່ນະຄອນຫຼວງຮາຣາເຣ, ທ່ານຄອນສະແຕນຕີໂນ ຈີເວນກາ ຮອງປະທານາທິບໍດີຊິມບາເວໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ.
ທ່ານຄອນສະແຕນຕີໂນ ຈີເວນກາກ່າວວ່າ, ຊິມບາເວເອົາໃຈໃສ່ຢ່າງສູງຕໍ່ການຂະຫຍາຍການພົວພັນມິດຕະພາບກັບຈີນ, ຍິນດີຖືໂອກາດທີ່ສອງປະເທດສ້າງຕັ້ງສາຍພົວພັນທາງການທູດຄົບຮອບ 40 ປີ, ຫັນຄວາມໄວ້ເນື້ອເຊື່ອໃຈກັນທາງການເມືອງເປັນໝາກຜົນການຮ່ວມມືຕົວຈິງໃນຂົງເຂດເສດຖະກິດການຄ້າເປັນຕົ້ນ, ຍົກສູງການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດ. ຊິມບາເວຂອບໃຈຈີນທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອແກ່ການພັດທະນາເສດຖະກິດຊິມບາເວ ແລະ ການສ້າງສາພັດທະນາຄືນໃໝ່ຫຼັງຊິມບາເວປະສົບກັບໄພພິບັດ ເປັນເວລາດົນນານມານີ້. ຊິມບາເວຍິນດີຕ້ອນຮັບວິສາຫະກິດຈີນໄປລົງທຶນຢູ່ຊິມບາເວຫຼາຍກວ່າເກົ່າ, ຊິມບາເວຈະພະຍາຍາມປັບປຸງສະພາບແວດລ້ອມດຳເນີນທຸລະກິດໃຫ້ດີຂຶ້ນ ແລະ ເຮັດໃຫ້ການເຮັດທຸລະກິດຢູ່ຊິມບາເວມີຄວາມສະດວກສະບາຍກວ່າເກົ່າ. ຊິມບາເວຍຶດໝັ້ນໃນນະໂຍບາຍຈີນດຽວຢ່າງໝັ້ນໜຽວບໍ່ປ່ຽນແປງ, ສະໜັບສະໜູນທຸກບັນຫາທີ່ພົວພັນເຖິງຜົນປະໂຫຍດໃຈກາງຂອງຈີນ ແລະ ຢືນຄຽງຂ້າງຈີນຢ່າງເດັດດ່ຽວໃນວຽກງານສາກົນ.
ທ່ານວາງຢີ້ຕີລາຄາສູງຕໍ່ການພົວພັນຄູ່ຮ່ວມຍຸດທະສາດຮອບດ້ນຈີນ-ຊິມບາເວ ແລະ ສະແດງຄວາມຊົມເຊີຍຕໍ່ທ່ານຄອນສະແຕນຕີໂນ ຈີເວນກາ ທີ່ໄດ້ປະກອບສ່ວນເພື່ອຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງຮອບດ້ານ. ຈີນສະໜັບສະໜູນຊິມບາເວເລັ່ງລັດບາດກ້າວປະຕິຮູບ, ສະໜັບສະໜູນຊິມບາເວຄົ້ນຄວ້າເສັ້ນທາງພັດທະນາທີ່ສອດຄ່ອງກັບສະພາບຄວາມເປັນຈິງຂອງປະເທດຕົນຢ່າງບໍ່ຢຸດຢັ້ງ, ຈີນຍິນດີແບ່ງປັນປະສົບການດ້ານການພັດທະນາເສດຖະກິດສັງຄົມ ແລະ ການປົກຄອງປະເທດໃຫ້ແກ່ຊິມບາເວຢ່າງຈິງໃຈ ພ້ອມທັງສືບຕໍ່ໃຫ້ການຊ່ວຍເຫຼືອແລະສະໜັບສະໜູນແກ່ຊິມບາເວຕາມຄວາມສາມາດຂອງຕົນ.
ຄຳເຫັນ
0