ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີເປີດນຳໃຊ້ເຕັກນິກໃໝ່ 5G+8K/4K/VR ເຂົ້າໃນການຖ່າຍທອດສົດງານລາຕີສະຫຼອງບຸນກຸດຈີນປີ 2020 ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 14 ມັງກອນນີ້ ໂດຍມີທ່ານເຊິ້ນໄຫສົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ຫົວໜ້າອຳນວຍການສະຖານີວິທະຍຸໂທລະພາບສູນກາງຈີນ ຫຼື CMG ແລະ ພະນັກງານທີ່ກ່ຽວຂ້ອງຈາກກະຊວງວິທະຍາສາດເຕັກໂນໂລຊີ, ກະຊວງອຸດສາຫະກຳຂໍ້ມູນຂ່າວສານ, ອົງການວິທະຍຸໂທລະພາບແຫ່ງຊາດ ແລະ ບໍລິສັດຫົວເຫວີຍ ພ້ອມທັງເຈົ້າໜ້າທີ່ຕ່າງໆຂອງສະຖານີວິທະຍຸໂທລະພາບສູນກາງຈີນ ແລະ ຜູ້ຕາງໜ້າສື່ມວນຊົນຕ່າງໆເຂົ້າຮ່ວມ.
ຂ່າວແຈ້ງວ່າ, ສັນຍານເຄືອຂ່າຍ 5G ໄດ້ປົກຫຸ້ມສະຖານທີ່ຈັດງານລາຕີສະຫຼອງບຸນກຸດຈີນປີ 2020 ຂອງ CMG. ເມື່ອຮອດເວລານັ້ນ, CMG ຈະໃຊ້ເຕັກນິກ 5G+8K ຖ່າຍທຳງານລາຕີດັ່ງກ່າວ ແລະ ຕັດຕໍ່ເປັນວິດີໂອງານລາຕີສະບັບ 8K. ສັນຍານ 4K ທີ່ໄດ້ຖ່າຍທອດສົດທຸກມູມຂອງງານລາຕີ ທີ່ສົ່ງຜ່ານລະບົບເຄືອຂ່າຍ 5G ກໍຈະເຊື່ອມຕໍ່ກັບລະບົບຖ່າຍທຳງານລາຕີ ເພື່ອເປັນການຄ້ຳປະກັນຢ່າງແຂງແຮງສຳລັບການຖ່າຍທອດອັດສະລິຍະ 4K ຂອງງານລາຕີດັ່ງກ່າວ; ນອກນີ້, ຮູບການຕັດຕໍ່ລາຍການແບບສື່ສານຜ່ານທາງເຄືອຂ່າຍຈຳລອງ ຫຼື VNIS ກໍຈະຖືກນຳໃຊ້ເປັນຄັ້ງທຳອິດ, ຜູ້ຊົມສາມາດຊົມການຖ່າຍທອດສົດ VR ແລະ ການຖ່າຍທອດສົດທຸກມູມຂອງງານລາຕີດັ່ງກ່າວໃນ APP YANGSHIPIN. ການນຳໃຊ້ເຕັກນິກໃໝ່ຕ່າງໆ ເຊັ່ນ: 5G, 8K, 4K ແລະ VR ຈະເຮັດໃຫ້ຜູ້ຊົມມີຄວາມສຳຜັດຕ່າງໆທີ່ໃໝ່ອ່ຽມ.
ຄຳເຫັນ
0