ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 13 ມັງກອນນີ້, ທ່ານເກິງຊວງ ໂຄສົກກະຊວງການຕ່າງປະເທດຈີນກ່າວວ່າ, ຈີນຮູ້ສຶກເສົາສະຫຼົດໃຈຕໍ່ເຫດການເຮືອບິນໂດຍສານອູແກຣນຕົກ, ຫວັງວ່າເຫດການດັ່ງກ່າວຈະສາມາດໄດ້ຮັບການແກ້ໄຂຢ່າງເໝາະສົມ, ຫຼີກເວັ້ນບໍ່ໃຫ້ສະຖານະການຮຸນແຮງຂຶ້ນກວ່າເກົ່າຕື່ມອີກ.
ອາທິດແລ້ວນີ້, ເຮືອບິນໂດຍສານໂບອິງ 737 ລຳໜຶ່ງຂອງບໍລິສັດການບິນອູແກຣນຕົກພາຍຫຼັງບິນຂຶ້ນຈາກສະໜາມບິນສາກົນຄາເມນີເຕເຮຣານ. ເມື່ອບໍ່ດົນມານີ້, ອີຣານຍອມຮັບວ່າເກີດຄວາມຜິດພາດທີ່ຍິງເຮືອບິນໂດຍສານອູແກຣນຕົກ. ຕໍ່ເລື່ອງນີ້, ທ່ານເກິງສວງກ່າວວ່າ:
“ຈີນຮູ້ສຶກເສົ້າສະຫຼົດໃຈຕໍ່ເຫດການເຮືອບິນໂດຍສານອູແກຣນຕົກ. ຈີນສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ຜູ້ເສຍຊີວິດແລະສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ຄອບຄົວຂອງຜູ້ເສຍຊີວິດ. ຈີນກໍໄດ້ເຫັນວ່າ, ພາກສ່ວນທີ່ກ່ຽວຂ້ອງພວມຮັກສາການຕິດຕໍ່ພົວພັນກ່ຽວກັບເລື່ອງນີ້. ຫວັງວ່າເຫດການດັ່ງກ່າວຈະສາມາດໄດ້ຮັບການແກ້ໄຂຢ່າງເໝາະສົມ, ຫຼີກເວັ້ນບໍ່ໃຫ້ສະຖານະການຮຸນແຮງຂຶ້ນຕື່ມອີກ.”
ຄຳເຫັນ
0