ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມັງກອນນີ້, ທ່ານວະລາດິເມຍ ປູຕິນ ປະທານາທິບໍດີຣັດເຊຍໄດ້ລົງນາມໃນດຳລັດປະທານາທິບໍດີ, ແຕ່ງຕັ້ງທ່ານມີຄາອິນ ມິຊຸສຕິນ ເປັນນາຍົກລັດຖະມົນຕີຣັດເຊຍຄົນໃໝ່.
ອີງຕາມຂ່າວເວັບໄຊຂອງທຳນຽບປະທານາທິບໍດີຣັດເຊຍໄດ້ເປີດເຜີຍວ່າ, ໃນດຳລັດປະທານາທິບໍດີລະບຸວ່າ, ທ່ານປູຕິນໄດ້ແຕ່ງຕັ້ງທ່ານມິຊຸສຕິນເປັນນາຍົກລັດຖະມົນຕີຣັດເຊຍໂດຍອີງຕາມຂໍ້ທີໜຶ່ງຂອງມາດຕາ 83 ຂອງລັດຖະທຳມະນູນສະຫະພັນຣັດເຊຍ. ດຳລັດປະທານາທິບໍດີມີຜົນສັກສິດເລີ່ມແຕ່ວັນທີ 16 ມັງກອນນີ້ເປັນຕົ້ນໄປ.
ຫວ່າງກ່ອນນີ້ບໍ່ດົນ, ສະພາດຸມາຣັດເຊຍໄດ້ລົງຄະແນນສຽງຮັບຮອງຕໍ່ການສະເໜີໃຫ້ທ່ານມິຊຸສຕິນດຳລົງຕຳແໜ່ງເປັນນາຍົກລັດຖະມົນຕີຣັດເຊຍຊຸດໃໝ່. ໂດຍສະມາຊິກສະພາ 383 ຄົນເຫັນດີແລະ 41 ຄົນບໍ່ອອກສຽງ, ບໍ່ມີຜູ້ຄັດຄ້ານ.
ວັນທີ 15 ມັງກອນນີ້, ທ່ານປູຕິນໄດ້ເຫັນດີຕໍ່ຄຳຮ້ອງຂໍລາອອກຈາກຕຳແໜ່ງນາຍົກລັດຖະມົນຕີຣັດເຊຍຂອງທ່ານເມັດເວເດັຟ, ແລະສະເໜີແຕ່ງຕັ້ງທ່ານມິຊຸສຕິນ ອະດີດຫົວໜ້າກົມສ່ວຍສາອາກອນຣັດເຊຍເປັນນາຍົກລັດຖະມົນຕີຄົນໃໝ່ຕໍ່ສະພາດຸມາ.
ຄຳເຫັນ
0