ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ກ່ອນບຸນກຸດຈີນ ເຊິ່ງເປັນບຸນປະເພນີຂອງຈີນຈະໝູນວຽນມາເຖິງ, ທ່ານອາລິຟ ອານວີ ປະທານາທິບໍດີປາກີສະຖານໄດ້ໃຫ້ສຳພາດຕໍ່ສື່ມວນຊົນຈີນໂດຍສະເພາະ, ທ່ານໄດ້ຕີລາຄາໃນລະດັບສູງຕໍ່ການພົວພັນປາກີສະຖານ-ຈີນໃນປັດຈຸບັນແລະການພັດທະນາອັນໃຫຍ່ຫຼວງທີ່ແລວທາງເສດຖະກິດ ປາກີສະຖານ-ຈີນນຳມາໃຫ້ປາກີສະຖານ, ພ້ອມທັງອວຍພອນໃຫ້ປະຊາຊົນຈີນຈົ່ງເບີກບານມ່ວນຊື່ນໃນບຸນກຸດຈີນ.
ທ່ານອາລິຟ ອານວີກ່າວວ່າ, ການຮ່ວມມືພັດທະນາພາຍໃຕ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”ແລະຂອບແລວທາງເສດຖະກິດຈີນ-ປາກີສະຖານ ທີ່ສະເໜີໂດຍທ່ານປະທານສີຈິ້ງຜິງແມ່ນແນວຄິດທີ່ສຳຄັນທີ່ສຸດ. ການຮ່ວມມືລະຫວ່າງປາກີສະຖານ-ຈີນບໍ່ມີເງື່ອນໄຂໃດໆຕິດໂຕມາ, ລ້ວນແຕ່ແມ່ນເພື່ອສັນຕິພາບແລະການພັດທະນາ, ແລະເພື່ອຍົກສູງລະດັບຊີວິດການເປັນຢູ່ຂອງປະຊາຊົນ. ຜົນສຳເລັດອັນຍິ່ງໃຫຍ່ທີ່ໄດ້ຮັບໃນແລວທາງເສດຖະກິດຈີນ-ປາກີສະຖານໃນຫຼາຍປີຜ່ານມາ ກໍ່ແມ່ນການອະທິບາຍທີ່ດີທີ່ສຸດສຳລັບການພົວພັນສອງປະເທດ.
ໃນການສຳພາດຕອນສຸດທ້າຍ, ທ່ານອາລິຟ ອານວີກ່າວວ່າ, ໃນປີໃໝ່ນີ້, ແລວທາງເສດຖະກິດຈີນ-ປາກີສະຖານໄດ້ກ້າວເຂົ້າສູ່ໄລຍະທີສອງ, ການຮ່ວມມືໃນທຸກຂົງເຂດລະຫວ່າງຈີນ-ປາກີສະຖານຈະສືບຕໍ່ກ້າວສູ່ລວງເລິກ, ທ່ານມີຄວາມໝັ້ນໃຈຕໍ່ອະນາຄົດແຫ່ງການພົວພັນຈີນ-ປາກີສະຖານ.
ຄຳເຫັນ
0