ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຢູ່ຫ້ອງການໄປສະນີອິນເຕີເນັດຊົນນະບົດຂອງບ້ານເຮິ່ງທຽນເມືອງສືເຊີງແຂວງຈ່ຽງຊີ່, ພວກຜູ້ຊາຍເລົ່ງເຖິງການປະດິດສ້າງໃໝ່ໃນການສ້າງທຸລະກິດຂອງຕົນ: ການເຮັດທຸລະກິດກໍຄ້າຍຄືກັບການລ່ອງເຮືອທວນກະແສນ້ຳໄຫຼບໍ່ກ້າວໄປໜ້າກໍຖອຍຫຼັງ, ຕ້ອງມີແນວຄວາມຄິດແຫ່ງການປະດິດສ້າງໃໝ່ຢ່າງບໍ່ຢຸດຢັ້ງ ຈຶ່ງຈະເປັນທີ່ຕ້ອງການຂອງຕະຫຼາດ.
ຜູ້ຊາຍຄົນນີ້ຊື່ຮວງຈື້ຊ່າວ, ໃນປີ 2014, ພໍ່ຂອງລາວທີ່ເປັນເສົາຫຼັກຂອງຄອບຄົວໄດ້ເສຍຊີວິດ, ຍ່າເຈັບປ່ອຍ, ແມ່ຂອງລາວກໍໜີອອກຈາກຄອບຄົວໄປ, ໃນເວລານັ້ນ, ຮວງຈື້ຊ່າວພຽງແຕ່ມີອາຍຸພຽງແຕ່ 18 ປີ, ຊີວິດການເປັນຢູ່ຂອງລາວຕົກຢູ່ໃນສະພາບອັດຕະຄັດ. ໃນປີ 2015, ເມືອງສືເຊີງໄດ້ຈັດການຝຶກອົບຮົມດ້ານການດຳເນີນທຸລະກິດທາງອິນເຕີເນັດ, ໄດ້ສ້າງໂອກາດດີໃຫ້ແກ່ລາວມີຄວາມຫວັງໃນການສ້າງທຸລະກິດ.
ປີ 2015, ລາວເລີ່ມຈຳໜ່າຍຜະລິດຕະພັນກະສິກຳທີ່ມີເອກະລັກພິເສດທາງອິນເຕີເນັດ ຄື: ແກ່ນບົວຂາວ, ແປ້ງມັນດ້າງ, ເສັ້ນເຂົ້າປຸ້ນແຫ້ງ ແລະອື່ນໆ. ຖ້າຊາວບ້ານມີຜະລິດຕະພັນໃໝ່ກໍຫາລາວຊ່ວຍຈຳໜ່າຍທາງອິນເຕີເນັດ. ນອກຈາກນີ້, ລາວຍັງຖ່າຍວິດີໂອກ່ຽວກັບທິວທັດທີ່ສວຍງາມ ແລະຊີວິດການເປັນຢູ່ຂອງຊົນນະບົດ, ລົງໃນສື່ສັງຄົມອ໋ອນລາຍ, ໄດ້ກາຍເປັນ “ເນັດໄອໂດ” ຢູ່ເຂດທ້ອງຖິ່ນ.
ໃນຂະບວນການດຳເນີນທຸລະກິດທາງອິນເຕີເນັດ, ຮວງຈື້ຊ່າວຍັງໄດ້ສ້າງສູນປູກຝັງ, ສ້າງໂຮງງານປຸງແຕ່ງ, ສ້າງຫຍີ່ຫໍ້ສິນຄ້າຂອງຕົນ ແລະຊອກຫາຊ່ອງທາງການຈຳໜ່າຍ. ພາຍຫຼັງທີ່ລາວມີເງື່ອນໄຂທຸກຢ່າງຄົບຖ້ວນແລ້ວ, ລາວຈຶ່ງຕັດສິນໃຈດຳເນີນການຈຳໜ່າຍສິນຄ້າທີ່ສະໜອງຈາກແຫຼ່ງການຜະລິດໂດຍກົງຜ່ານທາງອິນເຕີເນັດ. ໃນປີ 2019, ໄດ້ບັນລຸມູນຄ່າຈຳໜ່າຍຫຼາຍກວ່າ 3 ແສນຢວນ. ຊາຍໜຸ່ມຜູ້ນີ້ມີພື້ນຖານຢູ່ຊົນນະບົດ ໄດ້ຍຶດໝັ້ນແນວຄວາມຄິດການປະດິດສ້າງໃໝ່ ເພື່ອສ້າງຄວາມຮັ່ງມີ ແລະມີອະນາຄົດໃໝ່ຢ່າງກວ້າງຂວາງ.
ຄຳເຫັນ
0