ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີ 2020 ເປັນປີສຸດທ້າຍຂອງບັ້ນແກ້ໄຂຂໍ້ຫຍຸ້ງຍາກທີ່ສຸດເພື່ອບັນລຸເປົ້າໝາຍການຫຼຸດພົ້ນອອກຈາກຄວາມທຸກຍາກຂອງຈີນ, ຈີນມີແຜນຈະນຳໃຊ້ຫຼາຍມາດຕະການເພື່ອແກ້ໄຂບັນຫາທີ່ເຂດທຸກຍາກທີ່ສຸດກຳລັງຜະເຊີນຢູ່ ເພື່ອປ້ອງກັນບໍ່ໃຫ້ປະຊາກອນທີ່ຫຼຸດພົ້ນອອກຈາກຄວາມທຸກຍາກແລ້ວນັ້ນກັບຄືນສູ່ສະພາບທຸກຍາກຄືນໃໝ່.
ທ່ານຫຼິວຢົງຟູ ຜູ້ຊີ້ນຳວຽກງານຫຼຸດຜ່ອນຄວາມທຸກຍາກຂອງຈີນ, ຫົວໜ້າຫ້ອງການຫຼຸດຜ່ອນຄວາມທຸກຍາກລັດຖະບານຈີນຢືນຢັນວ່າ: ປີ 2020,ຕ້ອງຮັບປະກັນໃຫ້ບັນລຸເປົ້າໝາຍຫຼຸດພົ້ນອອກຈາກຄວາມທຸກຍາກ, ໂດຍການເພີ່ມທະວີການປະຕິບັດວຽກງານຕ່າງໆເປັນຕົ້ນ ແມ່ນການຫຼຸດຜ່ອນຄວາມທຸກຍາກດ້ວຍການພັດທະນາອຸດສາຫະກຳ, ການປະກອບອາຊີບ,ການສະໜັບສະໜູນຫຼັງການຍົກຍ້າຍຈັດສັນປະຊາກອນຕາມໂຄງການຫຼຸດຜ່ອນຄວາມທຸກ, ການຊ່ວຍເຫຼືອດ້ານຊັບພະຍາກອນມະນຸດແລະອື່ນໆ. ຕ້ອງເຮັດຫຼອນໜ້າທີ່ລຶບລ້າງຄວາມທຸກຍາກສຳລັບປະຊາກອນຜູ້ທຸກຍາກແລະເມືອງທຸກຍາກທີ່ຍັງບໍ່ທັນສາມາດຫຼຸດພົ້ນຈາກຄວາມທຸກຍາກໄດ້, ຮັບປະກັນໃຫ້ຊີວິດຂັ້ນພື້ນຖານຂອງປະຊາກອນຜູ້ທຸກຍາກເປັນກໍລະນີພິເສດ.
ຜູ້ຊ່ຽວຊານຈຳນວນໜຶ່ງເຫັນວ່າ: ປະຊາກອນຜູ້ທຸກຍາກທີ່ຍັງບໍ່ທັນຫຼຸດພົ້ນອອກຈາກຄວາມທຸກຍາກນັ້ນຍັງເຫຼືອບໍ່ຫຼາຍແລ້ວ, ຕົ້ນຕໍແມ່ນເຕົ້າໂຮມຢູ່ເຂດທຸກຍາກທີ່ສຸດ, ການພັດທະນາຂອງເຂດແຄວ້ນເຫຼົ່ານີ້ມີຂໍ້ຈຳກັດຫຼາຍຢ່າງເຊິ່ງລວມທັງພື້ນຖານໂຄງລ່າງ,ການບໍລິການສາທາລະນະແລະອື່ນໆ, ສະນັ້ນຕ້ອງ ບຸກທະລຸໃນຂອດສຳຄັນຈຳນວນໜຶ່ງ. ນອກຈາກນີ້ແລ້ວ, ສຳລັບປະຊາກອນຜູ້ທຸກຍາກທີ່ກັບຄືນສູ່ສະພາບທຸກຍາກຄືນໃໝ່ແລະປະຊາກອນຜູ້ທຸກຍາກທີ່ເພີ່ມຂຶ້ນມາໃໝ່ນັ້ນ ຕ້ອງປະສົມປະສານມາດຕະການຮັບປະກັນແລະນະໂຍບາຍທີ່ມີຢູ່ໃນປັດຈຸບັນ, ປະດິດສ້າງມາດຕະການທີ່ແທດເໝາະກັບສະພາບຄວາມເປັນຈິງແລະສາມາດປະຕິບັດໄດ້ ເພື່ອໃຫ້ການຊ່ວຍເຫຼືອຢ່າງທັນການ,ຮັບປະກັນບໍ່ໃຫ້ມີປະຊາກອນຜູ້ທຸກຍາກເດັດຖານເກີດຂຶ້ນອີກ.
ປະຊາກອນທຸກຍາກຢູ່ຊົນນະບົດຈີນໄດ້ຫຼຸດລົງຈາກ 98,99 ລ້ານຄົນເມື່ອທ້າຍປີ 2012 ຍັງເຫຼືອປະມານ 6 ລ້ານຄົນໃນທ້າຍປີ 2019. ເປົ້າໝາຍຂອງຈີນຄືຮອດປີ 2020 ເຮັດໃຫ້ປະຊາກອນໃນຊົນນະບົດສາມາດຫຼຸດພົ້ນອອກຈາກຄວາມທຸກຍາກໄດ້ທັງໝົດ.
ຄຳເຫັນ
0