ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຕອນບ່າຍວັນທີ 19 ມັງກອນນີ້, ປະຊາຊົນໄດ້ໂຮມຊຸມນຸມຢູ່ເມືອງຈົ່ງຮວນເຂດບໍລິຫານພິເສດຮົງກົງ, ມີເຈົ້າໜ້າທີ່ຕຳຫຼວດໄດ້ຖືກພວກກໍ່ຈະລາຈົນທຳຮ້າຍ ເຮັດໃຫ້ຫົວໄດ້ຮັບບາດເຈັບຢ່າງໜັກໜ່ວງ. ໂຄສົກອົງການປົກຄອງເຂດບໍລິຫານພິເສດຮົງກົງໄດ້ກ່າວປະນາມຕໍ່ການກະທຳໃຊ້ກຳລັງຮຸນແຮງເຫຼົ່ານີ້ຢ່າງຮຸນແຮງໃນຕອນຄ່ຳມື້ດຽວກັນ.
ໂຄສົກທ່ານນີ້ກ່າວວ່າ: ເມື່ອຕຳຫຼວດເຂົ້າໄປປຶກສານຳຜູ້ຈັດງານໂຮມຊຸມນຸມ, ແຕ່ໄດ້ຖືກພວກກໍ່ຈະລາຈົນຫຼາຍຄົນທຳຮ້າຍຮ່າງກາຍ ເຊິ່ງຕຳຫຼວດບໍ່ມີອຸປະກອນປ້ອງກັນໂຕໃດໆ ຈິ່ງໄດ້ຮັບບາດເຈັບ, ຈຳເປັນຕ້ອງອອກຈາກສະຖານທີ່ເກີດເຫດ ແຕ່ຍັງຖືກພວກກໍ່ຈະລາຈົນໄລ່ເອົາໄມ້ຄ້ອນ ແລະອາວຸດອື່ນໆທຳຮ້າຍ.
ໂຄສົກທ່ານນີ້ກ່າວເນັ້ນວ່າ: ພວກກໍ່ຈະລາຈົນໄດ້ນຳໃຊ້ການໂຮມຊຸມນຸມ ແລະການເດີນຂະບວນຂອງປະຊາຊົນເປັນທີ່ກຳລັງ ເພື່ອທຳລາຍສິ່ງຂອງ ແລະໂຈມຕີເຈົ້າໜ້າທີ່ຕຳຫຼວດ. ທ່ານຮຽກຮ້ອງໃຫ້ປະຊາຊົນທີ່ເຂົ້າຮ່ວມການຊຸມນຸມ ແລະການເດີນຂະບວນທັງໝົດຈົ່ງຢ່າເຂົ້າຂ້າງພວກກໍ່ຈະລາຈົນ ແລະມີຄວາມລະມັດລະວັງຕໍ່ຄວາມປອດໄພຂອງຕົນເອງ. ຫຼັງຈາກໂຮມຊຸມນຸມສິ້ນສຸດລົງແລ້ວ ຄວນອອກຈາກສະຖານທີ່ໂຮມຊຸມນຸມທັນທີຕາມການຊີ້ນຳຂອງຕຳຫຼວດ ຫຼີກເວັ້ນການກາຍເປັນຜູ້ຊ່ວຍພວກກໍ່ຈະລາຈົນ.
ຄຳເຫັນ
0