ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການກອງທຶນເງິນຕາສາກົນຫຼື IMFໄດ້ເປີດເຜີຍບົດລາຍງານທ່າອ່ຽງເສດຖະກິດໂລກ ສະບັບຫຼ້າສຸດຢູ່ດາວົສ ປະເທດສວິສ ໃນວັນທີ 20 ມັງກອນນີ້, ໂດຍໄດ້ປັບການຄາດຄະເນການຂະຫຍາຍຕົວຂອງເສດຖະກິດຈີນຈາກ 5,8%ທີ່ເຄີຍໄດ້ຄາດຄະເນໃນເດືອນຕຸລາປີ 2019 ຜ່ານມາ ຂຶ້ນເປັນ 6%.
ບົດລາຍງານດັ່ງກ່າວຄາດຄະເນວ່າ ປີ 2020, ເສດຖະກິດຈີນຈະຂະຫຍາຍຕົວ 6,0%, ປີ 2021ຈະຂະຫຍາຍຕົວ 5,8%. ທ່ານ ກິຕາ ໂກປິນັດ ຫົວໜ້ານັກເສດຖະສາດ IMF ໄດ້ຢືນຢັນວ່າ ຈັງຫວະການຂະຫຍາຍຕົວຂອງເສດຖະກິດຈີນຊ້າລົງຕົ້ນຕໍແມ່ນເກີດມາຈາກການດຳເນີນການຫັນປ່ຽນໂຄງປະກອບ, ຄາດວ່າ ເສດຖະກິດຈີນຈະຂະຫຍາຍຕົວຊ້າລົງໃນລະດັບອັນເໝາະສົມໃນຫຼາຍປີຕໍ່ໜ້າ,ສາເຫດຕົ້ນຕໍກໍແມ່ນຍ້ອນວ່າ ຈີນໄດ້ປັບປຸງໂຄງປະກອບເສດຖະກິດໂດຍຫັນຈາກການເນັ້ນໃສ່ການສົ່ງອອກກ້າວໄປສູ່ການກະຕຸ້ນການບໍລິໂພກພາຍໃນເພື່ອເປັນພະລັງຂັບເຄື່ອນຂອງການເຕີບໂຕດ້ານເສດຖະກິດ.
ເຖິງວ່າ ໄດ້ປັບການຄາດຄະເນການຂະຫຍາຍຕົວຂອງເສດຖະກິດຈີນຂຶ້ນຕື່ມກໍຕາມ, ແຕ່ເວົ້າໃນຂອບເຂດທົ່ວໂລກແລ້ວ, IMFໄດ້ປັບຫຼຸດການຄາດຄະເນການເຕີບໂຕຂອງເສດຖະກິດໂລກໂດຍລວມ. ບົດລາຍງານໄດ້ຄາດຄະເນວ່າ: ຈັງຫວະການເຕີບໂຕດ້ານເສດຖະກິດໃນປີນີ້ແລະປີໜ້າ ຂອງກຸ່ມເສດຖະກິດທີ່ພັດທະນາແລ້ວຈະຮັກສາຢູ່ໃນລະດັບ 1,6% , ສ່ວນຕະຫຼາດຂອງປະເທດຈະເລີນໃໝ່ ແລະກຸ່ມເສດຖະກິດທີ່ກຳລັງພັດທະນາຈະຂະຫຍາຍຕົວ 4,4% ໃນປີນີ້, ແລະປີໜ້າ 4,6%.
ຄຳເຫັນ
0