ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວຂອງຫ້ອງການຖະແຫຼງຂ່າວລັດຖະບານຈີນທີ່ຈັດຂຶ້ນໃນວັນທີ 20 ມັງກອນນີ້, ທ່ານມຽວເຫວີຍ ລັດຖະມົນຕີກະຊວງອຸດສາຫະກຳແລະວິທະຍາສາດເຕັກ ໂນໂລຊີຂໍ້ມູນຂ່າວສານຈີນໃຫ້ຮູ້ວ່າ: ປີ 2019 ຜ່ານມາ, ເສດຖະກິດອຸດສາຫະກຳຂອງຈີນໄດ້ຂະຫຍາຍຕົວຢ່າງໝັ້ນທ່ຽງໂດຍລວມ, ມູນຄ່າເພີ່ມຂອງອຸດສາຫະກຳຂະໜາດໃຫຍ່ໄດ້ເຕີບໂຕ 5,7% ເຊິ່ງຢູ່ໃນລະດັບທີ່ສົມເຫດສົມຜົນ. ທ່ານຍັງກ່າວຕື່ມວ່າ: ປີ 2019 ຜ່ານມາ, ຈີນໄດ້ເພີ່ມທະວີການກໍ່ສ້າງແລະນຳໃຊ້ພື້ນຖານໂຄງລ່າງ 5G ແລະປີນີ້ຈະຊຸກຍູ້ການພັດທະນາການນຳໃຊ້ເຕັກນິກ 5G ຕື່ມອີກ, ເຜີຍແຜ່ໃຫ້ເກີດມີການນຳໃຊ້ 5G ຢ່າງຫຼວງຫຼາຍໃນຂະແໜງການທີ່ກ່ຽວຂ້ອງໂດຍກົງ.
ນັບມາຮອດທ້າຍປີ 2019, ປະລິມານມືຖື 5G ທີ່ປ້ອນເຂົ້າຕະຫຼາດພາຍໃນປະເທດຈີນບັນລຸຫຼາຍກວ່າ 13.770.000 ເຄື່ອງ, ແຜ່ນຊິບມືຖື 5G ທີ່ຈີນຜະລິດເອງໄດ້ຖືກນຳໃຊ້ໃນດ້ານທຸລະກິດ.
ທ່ານມຽວເຫວີຍຍັງກ່າວຕື່ມວ່າ: ຈີນຈະເຮັດຄືທີ່ຜ່ານມາໃນການຍິນດີຕ້ອນຮັບ ວິສາຫະກິດຕ່າງປະເທດເຂົ້າຮ່ວມການພັດທະນາ 5Gຂອງຈີນຢ່າງຕັ້ງໜ້າ, ເຄົາລົບແລະປະຕິບັດຕາມກົດໝາຍແລະກົດລະບຽບທີ່ກ່ຽວຂ້ອງ, ຈີນຈະປະຕິບັດຢ່າງສະເໝີພາບຕໍ່ວິສາຫະກິດແລະນັກທຸລະກິດທັງພາຍໃນແລະຕ່າງປະເທດ.
ຄຳເຫັນ
0