ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມບົດລາຍງານຂອງສະພາການຄ້າແລະການພັດທະນາສະຫະປະຊາຊາດປະກາດໃນວັນທີ 20 ມັງກອນນີ້ສະແດງໃຫ້ເຫັນວ່າ: ປີ 2019, ຈີນໄດ້ດຶງດູດທຶນຕ່າງປະເທດ 140 ຕື້ໂດລາສະຫະລັດ, ກາຍເປັນປະເທດທີ່ດຶງດູດທຶນຕ່າງປະເທດຫຼາຍເປັນອັນດັບສອງຂອງໂລກ.
“ບົດລາຍງານຕິດຕາມທ່າອ່ຽງການລົງທຶນຂອງທົ່ວໂລກ” ສະບັບຫຼ້າສຸດ ທີ່ສະພາການຄ້າແລະການພັດທະນາສະຫະປະຊາຊາດເຜີຍແຜ່ນັ້ນ ສະແດງໃຫ້ເຫັນວ່າ, ປີ 2019, ເຖິງວ່າເສດຖະກິດມະຫາພາກທົ່ວໂລກຍັງອ່ອນແອ, ຄວາມຂັດແຍ້ງດ້ານການຄ້າແລະປັດໃຈອື່ນໆທີ່ເຮັດໃຫ້ນະໂຍບາຍການລົງທຶນມີລັກສະນະບໍ່ແນ່ນອນນັ້ນກໍ່ຕາມ, ແຕ່ຍອດມູນຄ່າການລົງທຶນໂດຍກົງຂອງຕ່າງປະເທດ(FDI)ໃນໝົດປີ ຍັງຄົງຮັກສາຄວາມໝັ້ນທ່ຽງ, ເມື່ອທຽບກັບປີ 2018 ແລ້ວ ພຽງແຕ່ຫຼຸດລົງ 1%, ເປັນ1390 ຕື້ໂດລາສະຫະລັດ.
ໃນນັ້ນ, ທຶນຕ່າງປະເທດທີ່ໄຫຼເຂົ້າປະເທດທີ່ພັດທະນາແລ້ວໃນປີ 2019 ຍັງຢູ່ໃນລະດັບຕ່ຳສຸດ, ເຊິ່ງໄດ້ຫຼຸດລົງ 6%, ເປັນ 643 ຕື້ໂດລາ; ທືນຕ່າງປະເທດທີ່ໄຫຼເຂົ້າກຸ່ມເສດຖະກິດທີ່ກຳລັງພັດທະນານັ້ນຍັງຮັກສາຄວາມໝັ້ນທ່ຽງ, ເປັນ 695 ຕື້ໂດລາສະຫະລັດ. ສ່ວນອາເມຣິກາສາມາດດຶງດູດທຶນຕ່າງປະເທດໄດ້ 251 ຕື້ໂດລາສະຫະລັດ, ຍັງເປັນປະເທດທີ່ມີທຶນຕ່າງປະເທດໄຫຼເຂົ້າຫຼາຍກວ່າໝູ່ໃນໂລກ.
ຄຳເຫັນ
0