ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ໃນພິທີຖະແຫຼງຂ່າວ “ງານລາຕີສະຫຼອງບຸນກຸດຈີນປີ 2020” ທີ່ຈັດຂຶ້ນໂດຍສະຖານີວິທະຍຸໂທລະພາບສູນກາງຈີນ, ເຈົ້າໜ້າທີ່ທີ່ກ່ຽວຂ້ອງໄດ້ໃຫ້ລາຍລະອຽດກ່ຽວກັບຈຸດເດັ່ນລາຍການ ແລະການປະດິດສ້າງໃໝ່ດ້ານເຕັກນິກຖ່ອຍທອດງານລາຕີສະຫຼອງບຸນກຸດຈີນຄັ້ງນີ້ຕໍ່ສື່ມວນຊົນ ແລະໄດ້ເປີດເຜີຍແຜນການຖ່າຍທອດງານລາຕີຜ່ານສື່ຕ່າງໆ. ງານລາຕີຄັ້ງນີ້ຈະສະແດງໃຫ້ເຫັນລັກສະນະປະຊາຊົນ, ລັກສະນະຊົນເຜົ່າ, ລັກສະນະຮີດຄອງປະເພນີ, ລັກສະນະສະຫຼອງບຸນກຸດຈີນ, ລັກສະນະຍຸກສະໄໝ, ລັກສະນະແຟຊິນ ແລະລັກສະນະສາກົນ, ທັງມີການບັນລຸການປະດິດສ້າງໃໝ່ ແລະບຸກທະລຸໃນດ້ານຕ່າງໆ ເຊັ່ນ: ການປະດັບປະດາເວທີ, ການມີສ່ວນຮ່ວມລະຫວ່າງນັກສະແດງກັບຜູ້ຊົມ, ການນຳໃຊ້ວິທະຍາສາດເຕັກນິກໃໝ່, ການຖ່າຍທອດແບບປະສົບປະສານສື່ຕ່າງໆ ແລະອື່ນໆ.
ງານລາຕີສະຫຼອງບຸນກຸດຈີນປີ 2020 ຈະມີສີສັນພິເສດທີ່ສະຫງ່າງາມ, ມີລາຍການໃໝ່ສົດ ແລະມີຈຸດເດັ່ນຢ່າງຫຼວງຫຼາຍ ເຊິ່ງມີການປະດິດສ້າງໃໝ່ແຕ່ມີລັກສະນະສືບທອດ ແລະເຕັມໄປດ້ວຍບັນຍາກາດຄຶກຄື້ນມ່ວນຊື່ນ, ເປັນສິລິມຸງຄຸນ ແລະມີພະລັງທາງບວກ.
ງານລາຕີຄັ້ງນີ້ຈະຖ່າຍທອດສົດຜ່ານສື່ຕ່າງໆ, ຂະນະດຽວກັນກໍຈະສຸມໃສ່ເປີດກວ້າງແນວຄິດໃໝ່ດ້ານການຖ່າຍທອດເຜີຍແຜ່, ດຳເນີນການທ່າຍຖອດສົດໄປທົ່ວໂລກ. ສື່ມວນຊົນຫຼາຍກວ່າ 500 ແຫ່ງຈາກຫຼາຍກວ່າ 170 ປະເທດ ແລະເຂດແຄວ້ນ ເຊັ່ນ: ລາວ, ອາເມຣິກາ, ອັງກິດ, ຍີ່ປຸ່ນ, ຣັດເຊຍ ແລະອື່ນໆ ກໍຄືໂຮງຮູບເງົາຂອງຫຼາຍກວ່າ 20 ປະເທດ ແລະເຂດແຄວ້ນຈະຮັບສັນຍານຖ່າຍທອດສົດງານລາຕີຄັ້ງນີ້.
ຄຳເຫັນ
0