ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ທ່ານລິມຈົກໂຮຍ, ເລຂາທິການໃຫຍ່ອາຊຽນກ່າວຢູ່ນະຄອນຫຼວງຈາກາຕາຂອງອິນໂດເນເຊຍວ່າ, ອາຊຽນໄດ້ໃຫ້ຄວາມສຳຄັນຢ່າງສູງຕໍ່ການພົວພັນອາຊຽນ-ຈີນ, ແລະຖືຈີນເປັນປະເທດທີ່ມີບົດບາດສຳຄັນໃນການຮ່ວມມືຢູ່ອາຊີຕາເວັນອອກ, ອາຊຽນຍິນດີຮ່ວມກັນກັບຈີນສຸມຄວາມພະຍາຍາມ, ເພື່ອຊຸກຍູ້ການພົວພັນຄູ່ຮ່ວມຍຸດທະສາດອາຊຽນ-ຈີນໃຫ້ຂຶ້ນສູ່ລະດັບສູງກວ່າເກົ່າ.
ວັນທີ 20 ມັງກອນນີ້, ໃນເວລາຮັບສານຕາຕັ້ງຂອງທ່ານເຕີ້ງຊີ່ຈຸ່ນ ເອກອັກຄະລັດຖະທູດຈີນຄົນໃໝ່ປະຈຳອາຊຽນຢູ່ກອງເລຂາອາຊຽນ, ທ່ານລິມຈົກໂຮຍກ່າວວ່າ, ທ່ານດີໃຈທີ່ໄດ້ເຫັນວ່າການພົວພັນອາຊຽນ-ຈີນໄດ້ພັດທະນາຢ່າງວ່ອງໄວໃນຊຸມປີມໍ່ໆມານີ້, ການຮ່ວມມືໃນຂົງເຂດຕ່າງໆໄດ້ຮັບຄວາມຄືບໜ້າໃໝ່. ທ່ານກ່າວຕື່ມວ່າ, ຈະສືບຕໍ່ສະໜັບສະໜູນການດຳເນີນງານຂອງເອກອັກຄະລັດຖະທູດຈີນປະຈຳອາຊຽນ, ທັງສະໜັບສະໜູນການພົວພັນອາຊຽນ-ຈີນໃຫ້ມີການພັດທະນາຕື່ມອີກ.
ທ່ານເຕີ້ງຊີ່ຈຸ່ນກ່າວວ່າ, ປະຈຸບັນ, ການພົວພັນຈີນ-ອາຊຽນໄດ້ຮັກສາທ່ວງທ່າການພັດທະນາຢ່າງແຂງແຮງ, ໄດ້ເຂົ້າສູ່ໄລຍະໃໝ່ທີ່ພັດທະນາຢ່າງຮອບດ້ານ, ປີໜ້າແມ່ນປີທີ່ຈີນ ແລະ ອາຊຽນສ້າງຕັ້ງການພົວພັນຄູ່ເຈລະຈາຄົບຮອບ 30ປີ. ໃນຖານະເປັນຄູ່ຮ່ວມຍຸດທະສາດທີ່ສຳຄັນຂອງອາຊຽນ, ຈີນຈະສືບຕໍ່ສະໜັບສະໜູນການສ້າງປະຊາຄົມອາຊຽນຢ່າງເດັດດ່ຽວໜຽວແໜ້ນ, ສະໜັບສະໜູນຖານະບົດບາດແກນກາງຂອງອາຊຽນໃນການຮ່ວມມືພາກພື້ນ, ທັງສະໜັບສະໜູນອາຊຽນເສີມຂະຫຍາຍບົດບາດຫຼາຍກວ່າເກົ່າໃນການສ້າງໂຄງປະກອບພາກພື້ນທີ່ມີລັກສະນະເປີດກວ້າງ ແລະ ກວມລວມ.
ຄຳເຫັນ
0